Dr.Fauci Cu Lungrethei In A Um Cang, Vaccine Kan Serchuah Khawh Lo Cun Tiah A Chim

Tulio zawtnak pulrai a si mi Covid-19 ruang ah US hi fak khun in a tuar mi an si ko cang hna. Nhin tiangah a thi mi hna hi 83,491 an si cang tiah Worldometer nih cun a langhter. Hi tluk in a thi mi le positive case an tam ko nain US state cheukhat ah cun mi tampi hna nih lockdown le Stay at home cu an rak duh ve hna lo I fak ngai in an rak doh ve hoi.

Dr.Fauci  nih zeitluk indah US mipi caah a thinphan le ralrin an herh nak kong cu chim phuan nak a ngeih. “US Senate ah Senator hna nih coronavirus he a pehtlai mi hearing an tuah. National Institute of Allergy and Infectious Diseases Director Dr.Fauci nih tukum khuasik a thawk siangin kai lai hrawngah Coronavirus Vaccine serchuah khawh dawh kan si lo tiah a chim.

Vaccine um hmasaa loin sianginn kan on ahcun virus zawtnak a thawk than ahcun kan control kho lai lo tiah a chim. Rianrang tuk le ningcang loin kan on ahcun kan caah tihnung ngaimi a si. Mah zawtnak kong hi a dikdiar in kan hngalh lo caah a hlan bantuk phak kan duhmi kha phan kho lo in a kan tuah chin khotu a si”  tiah a chim.

Credit: Salai Lairamthang

 183 total views,  2 views today

This function has been disabled for Chin 11 News.