Dr. Aung Myint Thang Catial Mi Hi A Mak Ko

Saya David Lah cu nizan ah police an tleih cang I Yangon Ensein thong ah an hren cang tiah thawngtheih a si hnun zumtu tampi hna nih ka lungthat lonak langhter cio a si. Mi tampi nih cun thawngtha bia ruang ah a si ko tiah kan ti cio lio ah Lai mi chung in mifim tiah kan I ngeih ve mi hna nih fak ngaiin an soisel le biafak ngai in an chim ah hin cun lung a nuam lo ngai.

Dr. Nung Cung Lian zong nih “mi hrawkhrol pa, zawng keng pa” ti tiang in a rak ti pinah “Khrihfa mi pawl mithmai bit ter tu na si” tiah a rak ti cang. Saya David Lah cu Khrih zumtu tha a si tiah kan ruah I mi tampi nih thazaang pek nak bia kan chim lio ah Lai mi chung in minthang le mifim ti mi pawl biachim mi ruang ah lungthin a nuam lo ngai.

Tuzing ah Khrihfa biaknak le cawnnak leiin thiamsang pakhat kan I ngeih ve mi Dr. Aung Myint Thang nih ca a rak tial mi nih Khrih mi tampi lung nuam lo in a kan chiah than. A rak tial mi cu hi ti hin a si “Palhnak kan tuah sual ruang ah fahnak le ngaihchiat nak kan ton mi kha Thawngtha bia ruang ah a si ti din asi lo” tiah a rak tial hi a si.

 418 total views,  1 views today

This function has been disabled for Chin 11 News.