Donald Trump Ruangah Salai Lungthli Tum Zong US Phak Khawh Dawh A Si Ti Lo

Trump nih dan a kan tat hoi: US tlawn a duhmi $15,000 bak chiah hau cang lai. US a tlawng i a tang behmi an tam ruang ah December 24, 2020 thawk in Myanmar rammi US tlawn a duhmi poah nih aa-ma-khan caah bond US dollar $15,000 bak chiah chung a hau cang lai.

Caan rikhiahmi chung a kir lomi poah cu $15,000 an sung beh lai, a kirmi cu pek than dih a si lai. Student visa in a kalmi cu bond chiah a hau lai lo. Dantat a tongmi hi Myanmar lawng a si lo, a dang ram sifak 23 an i tel ve. Trump a policy a nun chung cu Laimi nih US um chungkhar tlawnkai a har deuh chin lengmang lai tinak a si. Credit: Salai Lungthli Tum

Thawngpang dang hi rel chih: Ngandamnak theihtlei

Mithmaan le hngakchia. Ramdang in a rak pemmi (first generation) i an fale hi an mit a tha lo an tam ngai, mithmaan benh an tam khun ti asi. A rak pemmi an nu le pa pawl nakin an fale pawl hi mithmaan benh an tam deuh ti asi. Cu chungah Chin miphun zong kan ital dawh ngai in a um.

Kum no tete, hngakchia tete mithmaan a benhmi an tam ngai cang hna. A ruang a phunphun ruangah asi ko lai. Cheukhat cu ngandamnak a that lo caah mit lei dam lonak tiang a chuahpi ruangah mithmaan benh a haumi zong an um ko lai.

Nain tam-u hngakchia pawl mithmaan benh an hau tawnnak cu phone , tv tbk … zoh tuk deuh ruangah asi bik men lai. Phone zoh caan, TV zoh caan pawl hi a tlawm khawh chung tlawm in zoh ternak thawngin fale mit thatnak caah bawm cio hna usih.

Cun innleng (outdoor) ah nikhat ah nazi 2 hrawng chuahpinak thawngin mit thazang a thawng ter deuh tiin mit lei thiamsang hna nih an ti. Cucaah asi khawh chungin fale te innleng/a leng ah chuahpi, caan hman pi nakin an mit thatnak caah bawm cio hna usih. Catialtu: Salai Z T Lian