Donald Trump Politician A Si Lo Nain USA Ram Uk Tu Dingah Pathian Zumtu Pasal Tha A Si!

Donald Trump hi politician a si lo. Holh rel zong cu tluk cun a thiam lo. A sinain biatak ah a dir! A chim bantuk in a tuah, a tuahmi ah tlam a tling! Mi cheu khat nihcun an uar lo tuk ve ko. A sinain keimah nih cun ka uar bak. USA ram uk tu dingcun Pathian zumtu pasal tha bak a si tiah ka ti. (Salai Pa Khar)

Kan Laimi upa tiah ruahmi le bochanmi pawl zong tutan USA thimnak kong ahcun biachim holhrel nan i sum deuh ah a tha! Trump nan ti ning hi nan luan tuk cang. A ngaingai le a taktak ti ko ahcun Trump hna cu nan techin nan fapar chan hmanh ah nan tluk kho lai lo.

Micheu khat nih Trump cu a mah lunglawng aa rinh nan ti! Mifim tuk a si caah a mah lunglawng aa rinhmi a si. USA hi democratic le Mirum pawl nih an hrawhtuk cang caah, Hi thilvialte hi remh a duh caah a si. Atu kumli a tuan chungah zeitluk in dah a remh! A sinain Tutan kumli chung ka van remh rih lai tiah a ti nain democratic le Mirum nih an celh ti lo i, a tlak nak dingah zei tluk phaisa tam le hnawmtam in dah rian an tuan!

President Trump nih USA a van hruai bak in Vawlei cung ram sual vialte an dai dih! Israel ram kong hna i, a rian tuanmi khi van ruat hman u! USA President vialte mifim le miral tha tiah ruahmi a hohmanh nih an tuah ngam lomi, fawi tein a tuah khawhmi hna khi nan ruat bel maw? Khi thil a tuahmi hna khi Pathian nih a um caah fawi tein a tuah khawhmi a si.

President Trump hi a zumhnak kongah nan soisel tuk hoi! Minung nih kan zumhnak hi, a lenglang in tah awk a tha lo dah kaw! Zumhnak timi cu keimah pumpak le Sertu Pathian kar lak dawh a si cuh! Trump cu a piangthar (Hrinthan) lo ti hlah! A zumhnak kong hna cu a mah le Pathian karlak a si ko. USA Khrihfa a humhim ning hna hi van ruah ahcun Zumtu tha a si lomi nih cun hitluk in a humhim hnga maw?

A cawnnak kong si seh, Milar lei in laksawng a lakmi viate hna zong a herh le a hnu ah kan rak peh than te lai! Laimi cheu khat nih Trump kan tining kan luan tuk caah tawitein ka van langhter ve!! (Salai Cung)