Donald Trump Nunnak Kongah Thawngpang Fiang!!

US President Donald Trump cu coronavirus zawtnak a ngeih hnu zarhkhat hmanh a tlin hlan ah Oval Office a kai tthan colh tiah theih asi. President Donald Trump hi suimilam 24 renglo chung covid-19 symptoms a nei tilo i, suimilam pali renglo chung khuasik zong a nei tilo tiin a doctor Sean Conley nih a chim.

Video message a chuah mi ah Trump nih a that (damcang) nak kong a chim i, Pathian thluachuah asi in ka ruah tiin a chim. Americans mipi vialte hna nih amah an zohkhenh ning bantuk cun treatment dong viar ve hna seh ti a duhnak kong zong a chim chih fawn. Donald Trump nih cun Regeneron Pharmaceutical hna nih sii an serchuah mi cu a lakka in phawtzamh a timhnak kong zong a chim chih fawn.

Hi sii hi Donald Trump sinah pek asi i, theurapeutic measure silo in damnak tu asi deuh tiin a chim i, dose tam taktak an ser cuahmah lio asi ti zongah a chim chih i, a si nain Regeneron drug hi federal regulators hna nihcun an pawmpi loh. Hallo mi thluachuah asi i, Virus ka kai i, hi sii hi ka theih i, hong ka pe u ka ti i, a rak ttha taktak tiin a chim. Hi sii hi emergency ah hman si khawhnak dingah hmalak colh asi lai tiah a chim.

President Trump nihcun China a soiselnak cu peh in, a man nan cawi hrimhrim lai. Hi thil a chuahnak a ruang hi nanmah thiam lo asi. China thiamlo asi i, China nih a man tampi a cawi bak lai, hihi China thiamlo a si tiin a chim.

Trump a ttanhtu hna nihcun hospital a chuahnak in hruaitu sinak a langhter tthan colh an ti i an thangthat ngaingai. A si nain amah (Trump) soiseltu hna tu nihcun a cawlcangh ningcu a mumal lo deuhdeuh tiah an ti ve.

Credit: Lahnim News + Chinthinkers