Donald Trump Nih Cun Republican Presidential Nomination Cu Ka Pawm Tiah A Chim

Donald Trump nih tukum November thla president thimnak kongah Republican party in a term hnih nak caah party president candiate caah an nominate nak cu ningani ah khan ka pom hna tiah a chim.

Republican National Convention a dih lai zan ah Trump nih White House lei in nominatian cu ka pom ko tiah a chim i, kumli chung an riantuan mi ruangah an ram tampi kar an hlan nak kong zong a chim, a tang rih mi kum 4 chung zong hi kan tlin a si ah cun thil tha tampi kan tuah khawh ko lai tiah a zumh nak kong a chim.

President candidate caah an thim hi lunglawm taktak in ka pom tiah a chim i, A merican caah thil tuah ding tampi a ruat, vulei cungah economy a um mi ah a sang bik kan si lai tiah a chim. A mah he a zuam ding mi Joe Biden cu American caah thatnak chuahpi tu si loin a hrawh tu le chiatnak phurtu a si lai tiah a chim. Cu caah thim nak kan neih lai mi ah hin American him ten um seh ti nan duh le duh lo cu i thim uh tiah a chim.

US president thar caah tukum November 3 ah thim a si cang lai i, Donald Trump nih cun a riantuan ti, vice candidate caah Mice Pence a thim than i, Democratic candidate caah Biden nih cun senator Kamala Harris aa thim ve.

 

 135 total views,  2 views today

This function has been disabled for Chin 11 News.