Donald Trump Le Joe Biden i Phomhnak Ding Kong A Fiang Tuk Cang!

U.S Presidential Debate cu a nicaan/date a fiang cang. Voi 3 an tuah lai.

A voi 1 nak cu September 29 ah a si lai i, a hmun cu “Case Western Reserve University, Cleveland, Ohio ah a si lai. Moderator a ttuantu ding hi in Chris Wallace ( Fox News) a si lai. Chris hi Trump a hua ngaimi a si. Cun, Joe Bidden zong hi a uar hlei lo. Cucaah, a biahal dingmi cung ah a fair te men ko lai tiah zumh a si.

Avoi 2nak cu October 15 ah a si lai i a hmun cu “Adrienne Arsht Center for the Performing Arts, Miami, Florida ah a si lai. Moderator a tuantu ding hi Steve Scully ( C-SPAN) a si lai. Steve Scully hi mi daidam a si pinah, C-SPAN hi liberal zong an si lo, Conservative zong an si hlei lo. A karlak te ah a kal a ummi Media an si caah Trump Vs Joe karlak debate ahhin a fair te ko lai tiah zumh a si ve.

A voi 3nak cu October 22 ah a si i, a hmun cu Belmont University, Nashvile, Tennessees ah a si lai. Moderator a ttuantu ding hi Kristen Welker (NBC News) a si lai. NBC News cu liberal thazaang a pe takmi, Trump a hua taktak tu Media an si caah, avoi 3nk debate cu moderator nih Joe a bawmh lai i, Trump thlak an izuam te lai tiah ruah a si.

VP debate hi voikhat a um lai. October 7 ah a si lai i, a hmun cu University of Utah, Salk Lake City, Utah ah a si lai. Moderator a ttuan dingmi hi, Susan Page a si te lai. VP Bebate hi zoh an dawhte lai tiah zumh a si.

 196 total views,  1 views today

This function has been disabled for Chin 11 News.