Donald Trump Jr Nupi Zong Coronavirus In A Zaw Cuahmah Ve

US President Trump I a fapa upa bik Donald Trump Jr nupi zong Coronavirus ngeih le ngeihlo kong ah check up an tuah I positive a rak si ve diam ko tiah America thawngzamh pawlh nih an tial ning a si.

Donald Trump Jr le a nupi Kimberly Guilfoyle hi Mount Rushmore ah President Trump nih Fourth of July speech and celebration fireworksย ngei ding in an kal ve lio zong a si tiah an langhter.

Presideng Trump he neihniam in a um mi vialte hna zong Covid-19 test vial hna ding in thawngthanh nak zong an tuah cang. Kum 51 a si cang mi Kimberly Guilfoyle zong hi hmundang teah a mah te lawng bak in chiah cawlh ding in an auh lio a si. Kimberly Guilfoyle hi fak ngai in cun a phak rih lo caah hmundang ah an zohkhanh lai I damnak tling zong a hmuh than ko lai tiah an zumh.

Kimberly Guilfoyle cu positive a si cang ruang ah President Trump nih election caah campaign a tuah nak hmun ah kal ter ti lo ding in an bia an chah piak cang. Donald Trump Jr zong hi an test ve I Negative a si ko nain zawtnak rungrul kan hmuh rih lo bia zong a si kho ko tiah an lunghrinh caah hmundang teah chiah ding an ti pinah apa President Trump sinah kal ve lo ding an ti ve than.

 148 total views,  1 views today

This function has been disabled for Chin 11 News.