Donald Trump Cu President Rian A Tuan Kho Than Cang Lai, White House Ah A Kir Cang

Hruaitu tha le mipi cungah dawtnak a ngei bak mi bak mi a si tiah mipi nih thangthat a hlawh ngai mi President Trump cu Covid-19 positive a si hnuin damnak a hmuh than cang caah a riantuan nak hmun White House ah a kir kho than cang.

President Donald Trump cu Maryland ralkap sizung Walter Reed Hospital in a chuak cang i White House a phan than cang. President rian a thawk than colh lai. Election campaign zong tuan ah kan thawk colh than lai, fake news pawl nih fake poll lawngte an chuahpi tiah Twitter ah a tial.

President Donald Trump cu a dam ngai cang caah tuzan 6:30 pm ah Walter Reed National Military Medical Center in White House ah a kir cang lai. Ralkap sizung ah sumilam 72 chung a um hnu ah a dam chin lengmang caah tuzan lei ah chuak ding in a doctor hna nih timhlamhnak an ngei cang. President an thlopnak si cu Remdisiver a si tiah a doctor hna nih a chim. President Trump nih Coronavirus hi tihnung ding a si lo’tiah twitter ah a tial.

Note: Salai Lairamthang nih amah pumpak Facebook ah a tial mi a si. Mipi caah theih tha a si ko tiah ka ruah caah ka copy chin ve mi a si.