Donald Trump Cu Mak Ko! Lohbak Si Lohbak!

New York Biaceihbawi pawl sinah Nehnu Deuh ah Tax Return Cazin Langhter Dingin Trump nih a Nawlmi cu an Hnonpiak.

NEW YORK (Reuters) – Manhattan’s district attorney nih Trump chungkhar nih inn puaisa an tuah kong an dothlat i, Trump nih tax returns a pek dingmi cu a hal. Asinain, tax returns pek ding a ni le thla thawnpiak dingin Trump nih a nawl ko hna nain, an hnonpiak.

Cu ti i Trump nih nawlnak a tuahmi an hnonpiak a nikhat hnu ah khin Mazars USA sinin a tax returns pawl lakpiak dih dingin district attorney Cyrus Vance to US District Judge Victor Marrero nih nawl a hei pek.

Trump nih hin nawlpatnak a tuahmi hi hlawhtling lakin a kalpi kho lo, tiah Marrero nih a chim. Biathlia deuh a si mi pawl phung ning tein kilvenpiak hi biaceihzung i a rian a si caah, President Trump i a cazin dothlatnak an tuahmi Trump nih a hrial khawh dingmi thil a si lo, tiin Marrero nih a chim.

Vance hi Democrat minung a si i, Trump i a tax returns hi hmakhat lo ah cun a sinah a phan lem lai lo. A kong ceih dingmi ni le caan thawnpiak dingin President nih nawlnak a tuah ve caah, Manhattan ah a ummi 2nd US Circuit Court of Appeals nih Sep. 1 tiang an thawnpiak.

Trump i a lawyers (sihni) lei nih hi kongah lehnak an tuahmi a um rih lo. Biahri an tirhmi hnonpiak a si mi ruangah Vance nih Trump a thatlonak kong hlathlainak a tuahmi nih hin Trump hi tazacuai khawh lo mi minung ah a ser khawh lai. Trump hi tazacuai khawh lo mi a si, tiin July lio zongah khan US Supreme Court nih thawngthanhnak a rak tuah bal.

Trump i a tax return kongkau belte hi cu Nov. 3 election hlan tiang mipi theihin thanh a si rih lai lo, tiin biaceihbawi lei nih an chim.

Cuhlan president bantuk si lo in, Trump nih cun a tax returns kong langhter a duh lo.

Trump he kan itti, tiin a titu Stormy Daniesl le Playboy model Karen McDougal an kaa phihnak ah Trump nih phaisa tom a chehhnawhmi kong hlathlainak an tuah thok tein khan Vance nih Trump le a riantuannak kong hlathlainak rian hi a thok beh.

Laknak: Rawn Chin

 144 total views,  1 views today

This function has been disabled for Chin 11 News.