Donald Trump Cu Georgia Campaign A Tuahnak I A Bia Chim Cu A Mak Kho Tuk Ee!

President Trump cu US Presidential i thimnak dih hnu ah a voikhat nak caah Georgia state Valdosta khua ah Campaign tuah ah a kal hi a si. Khau a sik tuk nain Trump cu mipi nih an rak uar tuk i, mi tam taktak an chuak! January ni 5 ah khin Georgia Senate runoffs i thimnak a um lai i, cu ahcun Republican party candidate David Perdue le Kelly Loeffler hna caah campaign a bawmhhna hi a si. An zuam dingmi hna cu Jon Ossoff le the Rev. Raphael Warnock hna an si!

Democrat candidate pahnih hna hi, President Trump nih cun a fak khawh chung fak in a phomh hna! ” Nan tu le nan fa le hna hi, socialist ram ah a zungzal in um ter maw nan duh, ram zalennak ah dah um ter nan duh hna, nan duh cu i thim ko uh! Hi minung pahnih hna cu communist cozah uk phung an duh i, liberal candidate mifirkhu an si” a ti hna.

Republican Governor Brian Kemp zong fak taktak in a tongh. ” Nan State governor hi tutan i thimnak ah thil dik lo fihnung tuk a um ti hi theih seh law fawitein a remh khawhmi a si. Kemp le Sectetary of State Brad Raffensberger hna hi miralchia taktak an si, Voting ringht activist Stacey Abrams an tih tuk tiah” a soisel hna.

President Trump nih “Tutan i thimnak ah khan ka tling lo taktak a si ahcun upat nak he, ka tling lo tiah ka pom hnga i, Florida ah ka kal diam cang lai! Tutan i thimnak hi a dik lo tuk lawmman caah Vote an fir, thil diklo tamtuk an tuah” a ti. A chim chapmi cu ” Kum 2024 presidential election ah president ka cuh zong a herh tung hnga lo ” tiah a ti chih.

US President i thimnak ahhin Joe Biden nih Electoral College vote 306 a hmuh i, Trump nih 232 A hmuh ve. December ni 14 ahkhin member of the elcetoral college hna cu an i tong lai i, President din ghi vote lairelnak in namhnehnak an tuah cang lai. (Atawinak tein lehmi a si.)