Donald Trump Cu Covid-19 A Neih Hnu Ah Mipi Sin Ah A Voi Khat Nak A Hung Lang Cang

US president Donald Trump cu Covid-19 a kai hnuah, a voikhat nak mipi sin ah a lang. zarhteni ah khan White House (barcony) ah mipi hmai ah a lang voikhat nak a si.

Covid -19 zawtnak ka nei tiah a theih in 10 hnu ah White House balcony in a ngandamnak a that nak kong cu a chim i, a mah ca i thlacam tu vialte le a bultawl tu vialte cungah lawmh bia a chim.White House pawngah a mah duhtu pawl mi tampi an i pum khawm hna.

November thla President thimnak konghe pelhtlaiin campaign zong a rauh hlan ah a tuah lai tiah theih a si. Democrats nakin hi zawtnak teikhawh nak ding lam kan theih deuh tiah a chim.Mipi hmai i a lang ah hin, Trump nih hmur huh a huh lo i, Trump nih cun hi China virus hi kan doh khawh ko lai tiah a chim.

White House a biachim lio ah hin Trump nih cun hmur huh a huh lo caah, a mah tanh tu pawl le an i pum khawm caah, dodal tu pawl nih cun ann thang chiat ngaingai i, zawtnak hi a karh tuk lai tiah an soisel.