Donald Trump A Zuamtu Joe Biden Le Zumtu Mi Tam Nih An Nu-pa Hrangah Thlacamnak An Nei

US president Donald Trump le a nupi first lady melania Trump nih Covid-19 zawt nak an nei nak cu Twitter ah a langter. flotus he covid-19 kan positive tiah ni-nga ni zinglei ah khan a tar.

Donald Trump cu kum 74 a tling cang ruangah mi cheukhat nih a lungdong sual lai tiin an siaherh tuk hringhran. A thawchuah aharh deuh caah White House in Helicopter in an phurh i covid-19 dam lo pawl tuamhlawm nak hmunpi walter Reed Military Media Center ah an kal pi.

Helicopter cit ding in a kal lio ah cun a damtha mi in hmuh a si, Media pawl zawng Thumbs-up a pe khawh. Vice President hlun Joe biden nih a sia herh nak cu a tarlang ve, ” President Trump le first lady Melania Trump an dam zawkzawk khawh nak hnga dingah thlacamnak kan nei tiah a chim.

An inn chungkhar an zate hrangah thlacamnak kan nei zungzal lai a ti. Donald Trump nih a bochan tuk mi Hope Hicks nih zawtnak hrik akai hmasa i Air Force One vanlong he khual an tlawng tti hnu ah zawtnak hrik an kai tiah theih asi.

Vice President Mike Pence le a nupi cu cekup hnu a zawtnak hrik an kai lo, damlo buin American rampi a hruai lio tiin White House thuthang ah an tar. VawLei cung zumtu mitam pi nih Donald Trump te nu pa hrangah atu tiang in thlacamnak an nei.

Zumnak lei i Donald Trump bia chim tu National Hispanic leadership conference, Vice president Tony Suarez zawng cit loin thlacamnak nei dingin mi pi sin ah forhfial nak a nei ve.

President Trump le first lady hrangah thlacamnak nei u, hmundang i covid-19 in damlo mi hrang ah thlacamnak neai u, COVID, CORONA, si lo ah SARS min nak in a sunglawi mi JESUH khrih min in thlacamnak nei u, Rest and get well sir. Campaign nak ah kan i tong than lai.

Baptist Bible teacher Beth Moore nih Ramkhel biahla a si lo, zuamnak zawng a si lo. Christian nak a si, Bawipa hi harsatnak lakah a kan humhim hram ko.

Billy Graham fapa Vocal Trump Supporter and Evangelist Franklin Graham nih ” A bik in president le a nupi hrangah thlacamnak ka nei leng mang, hmundang ah covid-19 in a dam lo mi hrangah thlacam nak nei u, tiah bia a cah hna.