Dominion Voting Systems Pawl Le Trump Team Pawl An Buai Cang Lai Hih!

US state cozah kip, election commission, Supreme Court le officials pawl nih Dominion Voting Systems cu hman dingin fehter mi asi, cucu Trump i attorney Rudy Giuliani le White House counsel Pat Cipollone nih adik lo ning in an tuah, an control le Trump lei vote kha Biden leiah an bungh dih, tiin tehte um hleng tung loin president kan tuan lio asi ai pet tiin ning cang lo tukin an timi cu Dominion Voting Systems nih tazacuai an timh ko cang hna hi.

Monday ah khan Fox News, Newsmax le OANN cu ningcang loin Trump tank tuk ruangah thawng dik lo voi 12 DVS ral chanh in an thanh caah tazacuai i million tampi dih te ding in an hro hna i ritte thi bang ai dai dup. Tutan zong hi Trump legel team pawl nih ningcang loin DVS sual an phawt mi hi tazacuai an tong taktak ko cang lai caah ai ningcang lomi le an hmu tung lo i cawi le liam lawng nih a hngah ko cang hna hi! Catialtu: Chelsea Bawi

A Philadelphia election worker scans ballots for the 2020 general election in the United States at the Pennsylvania Convention Center, Tuesday, Nov. 3, 2020, in Philadelphia. (AP Photo/Matt Slocum)

Thlarau tthalo cu Saul cungah a tlun bang, Trump ttanhtu pawl cheukhat sin zongah thlarau tthalo cu a lut ve tawn:– Chinmi lakah, Trump ttanhtu pawl hi 100 ah 85 hrawng cu a piangthar lomi (hrintthan lomi) nan si, ti khawh si. Mah cu comment le ca nan ttialmi zoh in a thei ko. Nan thin a harning, mi nan volhpamh ning, holh dawh lo nan hmang ning, le na fim loning le Biden a ttantu pawl nan kan huatning pawl nih a langhter dih ko.

Trump vote pek ding in an forhtu hna nan hruaitu pawl zong, Trump an ttanhnak kongah cun an piangthar ve lo ti khawh an si. Keicu pastor ttuan ning law ka Khrihfa bu sinah bia ttha tein ka cah hna lai, facebook i comment le catial kongah. Thin i sum ding, biadawh deuh le bianem hman ding, le dawtnak le fimnak he cattial ding ti pawl in. Atutan US thimnak ah, Biden le Trump a ttanhtu pawl karlak ah thil ka hmuhmi a um ve, kan Khrihfa sinak ah le kan thinlung put le kan ziaza ah.

Chinmi lakah, Trump ttanhtu a tamdeuh pawl cu (nan zate nan si ve lo), thlarau tthalo nih a luh hnawhmi Saul siangpahrang he nan i lo ngai hna. Saul cu thlarau tthalo nih a luhhnawh caan poah ah David cu thah ding a dawi peng (1 Samuel 19). A dam caan ahcun maw David, ka dawt tukmi ka fapa a ti. Asinan Pathian nih a hlawt hnuah cun thlarau tthalo a chungah a lut ciammam i David cu thah ding in a dawi peng. Trump le a ttantu pawl zong nan sungh hnu cun thlarau tthalo nan chungah a lut ve i hehtiah Biden a ttanhtu pawl nan kan huat i nan thinhar buin nan kan volhpamh len ve.

Zeizong tein nan kan ti. Biden le Democratic party zong zeizong tein nan ti hna. Thlarau tthalo nan chungah a luh caah a si. Thlarau ttha lo nih luh hnawhmi cu Pathian hlawtmi nan si tinak a si ko. Pathian thlarau cu David chungah a um bang in Biden le a ttanhtu pawl kan chung zongah Pathian thlarau cu a lut ve i comment kan pekmi le ca kan ttialmi zongah fimnak, nemnak, toidornak, thinfualnak, dawtnak, fimkhur te umnak, biadawh le thluachuak bia, biadik le biahman, mi ngaihthiamnak le mi theihthiamnak pawl an i tel peng lai.

Saul cu thlarau tthalo nih a luh hnawh caan poah ah David cu an va auh i tingtang a tumpiak hnu ah a dam tawn ti kan hmuh (1 Samuel 16:14-23). Cu ve bantuk in Trump le a ttanhtu pawl, thlarau tthalo nih an luh hnawhmi hna damternak ding caah, Biden le a ttanhtu pawl sinah ra ve uh law kan in cawnpiak hna hnu le thla kan in camh hna hnuah tingtang kan in tumpiak ve hna lai i David bang in cucun damnak tling nan hmuh ve ko lai/nan piangthar ve ko lai. Nunnem le toidor nun nan nei ve ko lai. Dawtnak he. Merry Christmas to you all!
Catialtu: Van Tum