Dohthlennak A Tuahtu Buu Dang Hlei Kan Ngei Lo

By  Z Tial Thawng

Laimi Zapi tiawk In CNF/A an kong va ceih le va Soisel cu kan huam dih ngawt,zeitluk in dah kan va dirhkamh cio hna le kan va bomh cio hna tu cu pumpak in ii daphriat cio ding a si hnga.

Zeitluk in an va tlawm/tam zongah a dang “dohthlennak”a tuahtu Buu dang hlei kan ngei lo.

Zeitluk in San an va tlaih pek,tlaih lo pek ah”dohthlennak”a tuahtu Buu dang hlei kan ngei lo.

Zeitluk in kan va soisel len le kan va thangchiat len hna zongah” dohthlennak”a tuahtu Buu dang hlei kan ngei lo.

Zeitluk in an va hruh an va fim pekah”dohthlennak”a tuahtu Buu dang hlei kan ngei lo.!!a Sau tuk sual lai caah mah viar khan si chung rih ko sehlaw,chim duhmi cu zei ti an kong kan va chim le zongah an mah hlei cu Ho khi dah an um hlei hna.

Hi tluk Kum 60/70 chung hranhram in kawl ralkap nih a kan uk ii,cu Uknak Duh loin tlangcung mi Vialte zong nih”dohthlennak”an tuah viar ii nunnak an thap lio ah Chinmi nih Zei Dohthlennak Buu hmanh khi hei tuah hlah usih,Zei cawlcanghnak hmanh ngei hlah usihlaw Zeitindah mihmai kan khah lai,zeitluk in dah nek le nehsawh kan va ii huah chin hnga?cu viar hmanh ahcun CNF/A nih a tuahmi le a tuanmi hi a dik maw?dik lo ti cu fian ngai awk kan si.

Hnulei tuanbia le buaibainak nih kan ruahnak a molh ter awk a si ti hnga lo,a si khawh chungin an policies zong Mipi theih in an thlen an remh cuahmah ko thlam Lang in kal an I Zuam cuahmah ve ko.

CNF Upa Sinah Ka Siaherhmi

===========
Dohthlennak tuahnak ah a biapi bikmi cu Mipi Thinlung tei,Mipi Thinlung ah hmunhma ngeih a si an ti theo bangin.

Laimi mit le Thinlung ahcun Zuu a dingmi le kuak,khaini,Raya tbk a tawngmi hi cu a Piangthar lo bakmi le a tha bak lomi Minung in ii zoh le ii ruah a si rih bantukin,Laimit le Lai Thinlung in a kan zoh a kan tah timi hi cu nan ii philh bak lo ah a tha.

Cu bantukin,an nih peng an nih tlang,Hakha deuh Falam deuh tibantuk ruahnak zong hi Laimi mit le Laimi Thinlung ahcun a tam ngai rih caah,a bikin riantuan tu Upa nan thim caan lebang ahcun (first priority) bakin nan chiah peng ah nan hma a kal deuh hnga maw?

Cun,CNF nih nan party Reform nan tuah bakin Minung zeimawzat nan Lungput zong a Hun ii fiang phut tck Supreme nan Hun dirhnak Kahdaihnak Min Nan Hun thutnak le a tu nan kal liomi System tiang kan Hun in Ngiat thlai pah cio hna tikah,Caangvat seh le seh lo kong hna,Ralkap tuan le tuan lo tbk kong hna ah nan ruahnak aa dang ngai in a Lang,hihi cu dohthlennak tuah lio ahcun a si awk a si hnga lo, position nakin nan dohthlennak a Thazaang thawn ding tu nan duh deuh awk le nan ruah deuh awk a si.

Kan chim Cia bang Dohthlennak tuahnak ahcun Mipi Thinlung tei le Mipi Thinlung ah hmunhma ngeih kha a biapi Cem a si bantukin Kum 32 chung Nunnak thap in hi tiang nan Hun phanh pi cang caah cu nan thlanti man Vialte cu a sawhsawh in a vaivuanh sualnak hnga lo”RUL” a rak luh sual lo ding cu ralrin nan hau ve bak nain,nan timhtuahnak a tlamtlin khawhnak hnga Mipi nih upatmi le uarmi, bochanmi Minung pawl hmunhma pek le an hnu zulh khawh cu kan hlawh tlinnak deuh tu a si ko hnga tiah ka zumh.

 148 total views,  1 views today

This function has been disabled for Chin 11 News.