“Democracy A Thi Cang” Tiin Arakan Mino Pawl Nih Duhlohnak Langhter

CCN News: Rakhine le Chin ramkulh um peng pariat ah Internet phih asi mi kumkhat tling philhlonak cu June 21, 2020 chun ah khan Arakan mino pawl fonh in cawlcanghnak pakhat cu Sittwe khua um rilikam pakhat ah tuah asi.

Hi cawlcanghnak ah Internet phih an ton caan kumkhat chung ah raldohnak a cang chuahmi hmunhma um mipi cu nuhrin covo buar an ton leng ah a dang thil sining pawl zong caan he aa tlak in an thei kho lo tiah mino pawl nih cun an ti.

Kawl ralkap le Arakan Army karlak raldohnak ruang ah Rakhine ramkulh chung um mipi humhimnak caah Internet kan phih mi asi tiah Cozah lei nih chim asi nain a taktak ah cun mipi pawl nuhrin covo buar an ton mi maimilhpiak lei tu deuh asi tiah mino pawl nih an ti.

Nihin cawlcanghnak ah Rakhine ramkulh raldohnak lak ah mipi pawl tlaih le hrem an ton mi pawl zong aum tiah theihternak caah muicawl in langhternak zong an tuah.

 130 total views,  1 views today

This function has been disabled for Chin 11 News.