Delhi-London Direct In A Phan Kho Ding Mi Bus (Hman-Lung) Cu Hlawhtling Taktak In An Lim Cang

India ram ah Tushar Agarwal le Sanjau Madan te nih a luan cia kum 3 lio ah fak piin an rak i zuam cuahmah cang mi Delhi-London Direct Bus cu lungdong lo tein India ram ah a um mi Gurugram com. LtdĀ  nih an serchuah cuahmah eng mi ruang ah nihin ah cun hlawhtlin nak zong an hmu cang hna.

Hi Bus (Hman-Lung) hi India ram khualipi asi mi New Delhi in England ram khilipi London tiang direct in a phan kho ding mi a si i Bus cit man ah minung pakhat nih India tangka Rs ting 5 in ticket cawk khawh a si tiah an langhter. Delhi-London hi KM 20,000 tluk a hla mi a si caah ni 70 chung hrawng kal ding a si i ram 16 a pal/tan pah lai tiah an langhter.

An Bus min zong ah Bus To London an ti i minung 20 (passengers 20) lawng cit ding mi a si. A thutnak (seat) zong hi an dihlak in Business seat lawngte an si hna i dinhnak hmun pawl hna zong hi Hotel minthang pawl Star Hotel le 5 Star Hotel ah dinh ter lengmang an si hna lai.

Cun Bus chung ah riantuan tu pawl hna hi driver, asistant driver, Tourist Guide and helper an si hna i anmah nih khualtlawng pawl caah a herh mi vialte tuanvo an lak dih hna lai. Hi konglam hi Advanture Overland ah August 15. 2020 ah khan an rak phuan zaar cang mi zong a si.

Delhi in London tiang a kal chung ah a tan/pal pah ding mi hna ram pawl cu Myanmar, Thailang, Loas, China, Kyrgistan, Uzbekistan, Kazahtan, Russia, Latvia, Lithuania, Poland., Czech Republic, Germany., Natherland, Belgium, France ram hna hi an si lai tiah an langhter.

Source: Chin Special Media

 210 total views,  2 views today

This function has been disabled for Chin 11 News.