Delhi Laimi Mitlaupa Cu Dam Tein Hmuh A Si Cang

Delhi Laimi, Dai Community ummi Chone Thang cu May 13 in a tlau i Delhi Chin Community hna nih thi deng in nichiar an kawl lengmang. Saikal neimi nih Saikal in an kawl i, A nei lomi nih ni lin le khua al lio zongah ke he an kawl.

Ni riat chung bak an kawl hnuah a nikua nak May 21 ah dam tein hmuh a si. Laimi umnak Janakpuri in khuachungleipi ah a rak tlau, a tlaunak hi lam hla ngai a si. Pathian nih a rak umpi ti a fiang tuk. Pathian cu thangthat si ko seh.  A tlauning le thil dang kong cu fiang deuh tein kan vun thanh than te lai. Pu Tin Duh Thang Tialmi hi rel ve.

Mitlau”,Chone Thang kum 22 mi cu ni 9nak nihin 21 may chunhnu suimilam4:30 ah hin ,Delhi,Dualakuan ah Police hna nih an hmuh i,Community hruaitu le chungkhat hna an chonh hna hnuah an va kal i,an valaak cang.Bawipa min thangthat si koseh.
A mah hi,Paletwa mi,Dai,a si i,India ram ah hin 2018 khan Bible siangin a kai ve mi a si.A mah nih hin hlasak thiam,Esther Dawt Chin Sung kha a uar ngaingai i,a mah lawnwgte hi a ruattawn ti si.A siangin kainak in,Delhi ah 12 March 2020 ah khan Khua lei tlung dingin a ra i,mah hlan deuh hrawng ah hin thluak lei buai a ngei ti a si.Mah ticun a tlunnak,Salai Mnai Thang tein ahcun a um i,April ah khan kan ram ah lanh aitim.Asinain,Lock down ruangah a tang i, tuthla 13 ah khan a thluak buai a chuak i,mah hnu cun inn lawi a thei ti lo.

Ni 7 kawl a si hnuah zahan 20 May 2020 ah khan a chungkhar hna nih zapi kawl cu za ko cangseh ti a si i,Pathian sinah chanhnak,thlacamnak ngeih a si i,nungdam tein hmuh a sinak hnga thlacamnak ngeihpi a si hnuah,zanriah eittinak zong a chung lel nih cun an tuah.Mah kha a tlangpi a kong a si.

 175 total views,  1 views today

This function has been disabled for Chin 11 News.