Delhi Khua Chungah ISIS Ralhrang An Vak ( Delhi Lai Mi Ralzam Caah Hmun Him lo A Si)

Delhi khuapi chungah, Dhaula kuan le Karol Bagh karlak ah ISIS ralhrang an vak i Delhi palik he nizan tlai hnu ah an i kah tiah theih a si.

Delhi palik nihcun, ” Motorcycle a cit i motor he kan dawi. Kan kan hnu ah kan tlaih hna, a mah cu Uttar pradesh ah a um mi abdul Yusuf khan a si’ ti in official nih media sin ah a chim.

Abdul Yusuf Khan cu inn ah tuahchom Improvised Explosive Devices (IEDS) boom pa hnih a phur chih i a puah manh hlan ah an tlaih.

National Security Guard (NSG) commandos le bomb Disopsal Squad (BGS) hoha nak in Abdul Yusuf khan an tlaih nak pawngkam ah boom dang zawng an kawl lengmang lio ah an tlaih mi boom pahnih zawng a phoih ding ning cang cu an ngaih tuah lio ti cu afiang.

ISIS ralhrang Abdul Yusuf Khan nih a hawi a nei rih lai tiah an zumh caah Delhi palik nih cun Utter pradesh ram kulh lei zawng thawng thanhnak an nei i lam ah motor mawngh chuak pawl zawng kham pah in ISIS dang an kawl cuah mah hna.

 

Utter pradesh ramkulh chung zawngah palik nih, teima chuah in an caawlcanghnak an nei i Tlanglong i dinh nak riahbuk, biak inn kerkawi tiangin an bih hna i ISIS ralhrang le boom cu a tu tiang in an kawl.

( Delhi Ralzam Caah Hmun him lo A Si Cang)

 146 total views,  1 views today

This function has been disabled for Chin 11 News.