Delhi Chin Ralzam Nih An Tonmi hi A Buai Ngaingai!

Canada kan PM nih $2 billion dih in Masks le PPE thilri pawl cawk dingin nihin ah thanh. Canada ram ah Masks, sanitizers le PPE pawl a um lo caah Home Depot ah an zuarmi, contruction caah an sermi an hmanter hna. China Mirum Pa, Jack Ma nih Mask hi 10,000 hrawng a rak kuat ve hna.

Cozah caahcun Masks le PPE thilri tbk izarh hi har dingin ka ruat lo nain an khul a nuar ngaingai. Hibantuk lei ahcun Asia lei hi kan mal a zaang deuh. Jack Ma an tluk lo.

China Mirum Jack Ma nih Asia Ram, ram 23 bakte 7.4 million masks, 485,000 Covid 19 test kits le 100,000 PPE set a hlut hna. Vanlawng in ramkip ah a kuat duahmah hna. Nizan ahkhan Asia ram, ram 7, Afghanistan, Bangladesh, Cambodia, Laos, Maldives, Mongolia, Myanmar, Nepal, Pakistan le Sri Lanka cu 1.8 million masks, 210,000 COVID-19 test kits, le 36,000 pieces of protective cu hlut rih aa timh hna.

Asia ram lawng siloin, Africa ram pawl caah 1.1 million testing kits, 6 million masks, le 60,000 protective suits cu Vanlawng in a va pek rih hna. March 17 ahkhan 1 million masks le 500,000 coronavirus test kits cu US a bawmh ve. Europe lei zong tampi a bamwh hna.

Vawlei thlawchuah a comi, Mirum hna nih an miphun hawi caah zeitluk indah thil ttha an tuah? Tulio caan ahhin miphun nih aho paoh a kan herh lio caan a si. Kanmah Chinmi chung in phaisa ngei, mirum tampi kan ngei ve ko hna nain, khawika dah an tlau dih? An kong theih ding a leng lo. Hakha caah, Thantlang caah, Falam caah, Ivengnak thilri an herh liote a si. Tulio bantuk vawleipi harton caan hi kum fatin tonmi a si lo. Tulio caante hi ibawmhchanh caan a si.

Delhi ah Chin ralzaam khuasa tampi Covid 19 ruang ah harnak an tong. An pawcawmnak rian an ttuan kho tilo caah inn man pek awk an ngei lo. Ei-din kong ah an lung re a thei. US, Canada, Europe le Australia tbk ahcun kan cozah nih an kan bawmh ko caah kan hna a ngam. An nih cu bawmtu Cozah an ngei lo. UNHCR an si ah bawmh chawmmi/donation pek chawmmi an si ve. Nizan ah Fundraising kan tuah piak hna i, ram ttha ah khuasa Chinmi 50,000 renglo lakah minung 30 tlinglo te lawng nih kut kan sam rih. Kut a sam rih lomi pah nih nan kut rak sam cio hrawm u. Phaisa tlawmte kan thawh ciomi kha aa fonh tikah thil lianngan a tuah khawh.

 252 total views,  1 views today

This function has been disabled for Chin 11 News.