Delhi chief minister, Arvind Kejriwal nih thawng thanhnak a tuah tthan.

Delhi khua chung market le mibuu tonnak hmun tampi ah Covid-19 runvennak zulh phung zul loin mah duh poh in a ummi kan tam tuk caah, market le mibuu tonnak hmun cheukhat cu lockdown kan tuah tthan hna lai, a ti.

Cun, tthitumnak le biaknak pumhkhomhnak pawl zong pumhnak hmun nih a tlummi minung dihlak i 50% a si lo ah, Hall nganpi a si sual i an 50% kha minung tampi a si zong ah, minung 200 leng awnh lo ti in atu hi karhlan cuahmah a si. A sullam cu zeitluk hall ngan zong ah minung 200 nak tam pumh kha atu lio cozah phung nih a phihmi cu a si. Hall hme deuh pawl, minung 200 tlum pawl ahcun minung 100 (50%) lawng a ngah tinak si cu..

Asi nain hi zong hi thlen ding in Delhi cozah nihcun biachahnak kan tuah cang, tiah a ti. Minung 50 cunglei pumhkhomh a ngah lo, timi zulh phung ah khan kan kir tthan lai, tiah a ti.

Sihmanhsehlaw central cozah nawlpeknak tel loin state cozah nih lockdown phungphai thlen lo ding ti a si caah, Delhi cozah nih central cozah nawlpeknak an hngak lio. Central nih ok an ti ahcun, hlan lio kan dirhmun ah kir tthan dawh kan si ko hih..Catialtu: Pastor Hram Bik Lian

Note: Pastor Hram Bik Lian Nih A tialmi Lawng Si Loin, Van Chap ka Duhmi A Um Cucu, Delhi Ah Chin Refugee Tamnawn Kan Um Tikah, Ni Fatin Kan Cawlcanghnak Zongah Ralring Taktak Kan Herh!! A Tu Hi Mask (Hmurhup) Hruk lomi poh cu, Minung pakhat ah Rs. 2000 dantat ding an ti hoi cang caah kan i ralring taktak a herh. 

A Hlei in Vai (Kala) he kan muisam A dang tuk tikah Kanmah lei muisam pawl hi neek deuh le nihsawh deuhmi kan si caah, Mi ramdang um kan si bantuk in kan i ralring ngaingai a hau lai.