Delhi Ah Covid-19 In A Thi Mi Ruak Khangh Nak Ah An Hman Mi Seh Nih A Deih Ti Hna Lo

India ram khualipi asi mi New Delhi cu pulrai zawtnak Covid-19 nih faktuk in a phak cang caah mithi an tamtuk cang i anmah biaknak phungning tein ruak an i khangh tawn nak mi Electric seh nih a deih ti hna lo caah hmun lawng an hmuh nak poah ah mithi ruak hi an khangh cang hna.

New Delhi ah a um mi chung vialte lakah mithi ruak an khangh hna nak hmun a ngan bik mi Nigambodh Ghat hmanh ah hin mithi khanghnak an hman mi seh hi ngol loin an khangh nak hna caah electric nih an chei tuk tawn lo. Cu ruang ah thing an lak i hmunhma a lawn nak an hmuh nak paoh ah an khangh cang hna.

Covid-19 in a thi mi hna siizung in pehtlai tluahmah in an chuah caah mithi ruak khanghnak seh hi zinglei nazi 8 in zan 12 tiang hi seh thah bak loin an kal ter cang. India ram hi tulio ah cun Covid-19 nih fakbik in a phak nak ram zong a si i minung 24, 0000 sinah zawtnak rungrul hmuh a si.

Cun athi mi hna chung in cazin an chiah khawh tawk hi 6700 lengkai an si i hi chung ah hin cazin ah khumh khawh loin lampawng le innlak ah a thi mi hi zeizat riamruam dah an um rih lai tiah an chim.

Delhi chung lawng hmanh ah thla hnih chung i ruak an khangh mi hi 650 leng a si cang tiah ruak khangh nak ah tuanvo ngeitu nih a chim. hi chung ah hin zawtnak dang in a thi mi hna le rawltam ti hal in a thi mi hna zong an tamtuk ve i cu hna cu cazin ah khumh an si lo.  India ram cu kutdok an tamtuk caah rawl ei awk ngeilo in a thi mi zong a tam tuk ve cang.

Source: The Straits Times; AKonThi

 175 total views,  1 views today

This function has been disabled for Chin 11 News.