Dele Alli Cu A Inn Chung Ah Misual Nih An Luh Hnawh

Tottenham Hotspur F.C. nih an I bochan ngai mi le an uar ngai mi Delel Alli cu misual pawl nih a inn chung ah an rak luhhnawh I fakngai in an vuak hnu ah sui thil thuam a ngeih mi hna tampi le rosung ah ai chiah mi suimilam zong an firpiak tiah theih a si.

Misual inn chung ah a rak lut mi hna hi namte a ngan ngai mi an I put, minung pahnih an si I hi lio ah hin Dele Alli, a nungak Ruby Mae le a tapa inn chung ah an um lio a si ko nain Ruby Mae tapa nih ti kholh nak khan chung ah a um lio a si caah zei thawng hmanh a rak thei lo. Misual pawl an zam le cangka in police sinah thawngthanh nak an tuah cawlh hna I police pawl nih CCTV zong felfai tein an zoh.

Dele Alli inn hi mifir pawl nih an ngiat nak zong a sau ngai cang mi a si kan hnu zarhchung zong ah khan Dele Alli inn pawng ah lunghrinh mi pahnih zong an rak tleih cang hna. Cun Dele Alli hi mifir pawl nih zarhkhat chung ah an firpiak mi hi Poun 1.5 billion a si cang tiah an langhter.

Police awl nih Dele Alli inn chung ah a rak lut mi hna misual pawl hi an tlai kho rih hna lo nain a rauh hlan ah kan tleih khawh cawlh ko hna lai tiah an chim. Dele Alli hi bawlung an chuih lio ah Team dang pawl nihsawh le serhsat a hmang tuk mi a si ruang ah Social Media hmang in hrocer a tong lengmang mi a si tiah an langhter.

Ref: D Nae Khit

 177 total views,  1 views today

This function has been disabled for Chin 11 News.