De Ridder Nih Aung La A Ti Ning Cu A Fak Bak!

October ni 30 ah i zuam ding a si cangmi Middle Weight zuam nak ah Aung La N Sang te puai cu amah a zuam cawh tu ding De Ridder chimmi bia ruang ah mipi lung a kan la khun tiah theih a si. puai 12 a zuam ah sungh nak a tong rih lo mi De Ridder le champion Aung La N Sang cu ONE: INSIDE THE MATRIX ah a biapi bik puai cu an si.

De Ridder nih “tu bantuk puai ka zuam khawh nak ding caah tampi ka rak i zuam. kum 5 tluk ka si in ka zel tuang ah ka rak i vua cang. Tu ahcun champion dirhmun ah a um ding ka si cang tiah ” ONE Championship he tuah mi interview ah a rak chim. Kum 30 a si cang mi Nehterland fighter cu Judo le Jugitsu zong a thiam taktak mi a si. 2013 kum in MMA zuamnak ah a rak lut mi a si i puai 12 tiang a thong i teinak a hmu peng mi zong a si. Tutan Aung La N Sang he an i zuam ding hi amah caah chelleng tha taktak zong a si.

“Aung La N Sang cu khuaruah har minung a si. A ke le a kut cu tih nung taktakmi a si. Cun puai pakhat ah a cawlcangh ning duh ningin a thleng kho mi zong a si.A mi thongh zong a tha tuk caah a zuam cawh tu pawl nih an i ralrin khunmi zong a si. Cun Napan zong a thiam taktak mi zaanglek a si zong kan philh awk a si lo. Ground lezong ah thiam tak mi fighter a si

Sihmanhseh kei mah ning zeltuang(ground) ah ka thluk lai i a cawl khawh lo nak ding in ka tuah lai. Zuamcawh a har ngaimi zaanglek tha cu a si ko. Amah cu voi takhat ah tei colh ding cu a si kho lai lo. Sihmanh seh minung kip nih hngawng pakhat cio kan ngei. Zei bantuk hmun a si paoh ah a hngawng in tlaih khawh ka zuam lai” tiah a rak chim.Myanmar mipi nih uar bik mi Aung La N sang cu puai 7 a zuam i teinak a hmu pengmi zong a si. Cun Middle weight le Light heavy weight ah champion a hmu mi zong a si.

Source: VR.COM