Dawt mi u le nau hna, CDF hi tha pe hna usih!

Dawt mi u le nau hna, CDF hi tha pe hna usih, nan lungtlin lonak a um sual hmanh ah dawtnak le siaherhnak he tuin thil sining hal hna uh,,, chanbau nak tampi hmanh ngei hna sehlaw tu lio kan boruak ahcun soisel loin aruah zia le thapek, bawmh caan asi.

Aruang cu ralkap uknak tha lo hi civil war in doh hau mi asi. Civil war lawng in ralkap kan tei lai. Cu bantuk in civil war ahcun mipi nangmah le keimah kha hmai kan sat bak ahau.

Ralkap dohnak ah Kan miphun hriam tlai phu kha hmaisat ter hna ahcun hriamtlai cuhlan bantuk hriamtlai le hriamtlai i kah bantuk in sullam a ngei kho i ramdang lei hna aw aan zong a dong kho mi asi.

Mipi nangmah le keimah ( CDF/PDF) nih ralkap kan doh ah hin ramdang mi hna thinglung ah fak piin bia achim. Cuccah CDF hi mipi kan dihlak aiawh in ralkap do ding asi, Civil war in ralkap kan nam hna ahcun dawtu le bawmtu an um hrimhrim ko lai.

Cuccah ralkap uknak in luat kan duh ahcun doh ahau, kan doh tik ah ralkap le hriamtlai bu rak i kah tawn ning kha doh awk atha lo, civil war in mipi nih kan doh hau, cucaah CDF caah thlacam le thapek hi daithlang hlah usih.Lairam Laipa