Dawr Nganpi Pakhat Chung Ah Bomb An Puah Hnawh Hna Ruang Ah Minung 23 An Thi

Afghanistan ram thlanglei ah minung tamtuk an umnak nak hmun Bazar nganpi chung pakhat ah nizan ah khan bomb in an rak kah hna ruang ah minung 23 an thi I bomb in a rak kap tu hna hi Taliban ralhrang pawl an si tiah an chim.

Afghanistan ramchung ah kum zabu zeimaw zat chung Taliban le acozah ralkap karlak ah kahdoh nak le thah nawn nak a chuak lengmang mi hi dih cang sehlaw, daihnak kan tuah cang lai tiah lungtlin minthut nak an tuah cuahmah lio ah a tubantuk in thli thup kahdoh nak a chuah than hi cu a poi taktak mi a si.

Cun nizah ah Taliban ralhrang nih bomb in an rak kah mi ruang ah mi sawhsawh 23 nunnak a liam I minung 15 nih fak ngai in hliamhma zong an tuar tiah Afghanistan cozah thawngzamh nih cun an langhter ning a si.

Nizan zinglei suimilam 9 hrawng ah khan Taliban ralhrang nih Bazar pawng ah a um mi police motor pakhat cu bomb an puah, cu hnu tlawmpal ah Bazaar chung cu Rocket Bomb in an rak kah hi a si tiah Afghanistan acozah lei thawngzamh nih an langhter.

Cun police motor bomb in an puah lio ah Taliban ralhrang pahnih cu kan kah thah kawh hna I Rocket Bomb in an rak kah hi cu kan kham kho manh ti lo caah minung 23 nunnak a liam I minung 15 naktam nih hliam fak an tuar zong hi a si tiah an Afghanistan ralkap thawngzamh nih cun an langhter.

Source: Akon Thi

 146 total views,  1 views today

This function has been disabled for Chin 11 News.