Daw Suh Nih Nihin Kawlram Dirhmun Le Covid-19 Kong Ah Ramdang Zohchih In Hi Ti Hin A Chim

May 1 zong kan phan ko cang, Covid-19 kong he pehtlai in ngandam nak kong ah siseh, chawlehnak kong (business) leiah siseh a voikhat nak bik biachah nak kan rak tuah nak thok khan kan tuak ah cun thla 5 nak chung ah kan lut cang hna.

Nihin tiang ah kan Covid-19 hi kan control khawh ko tiah chim khawh a si ko. Covid-19 rungrul a ngei mi hna hi an dihlak in minung 151 an si, a thi mi 6 an si I a damthan mi hna hi 28, nihin ah a damthan mi minung 3 an um than caah an dihlak in minung 31  an si hna. Nihin Kawlram chung Covid-19 dirhmun hi ramdang he kan zohchunh a si ah cun hnangam bik le ai relrem bik mi ram ah kan I tel ko. Hi hi a taktak ti ah cun ngandam nak lei le mipi hna nih nan I zuamnak thawng in a si ko ti hi fiang tein ka hmuh khawh mi a si.

Cun a ralai mi ni le caan chung zong ah Covid-19 in kan him deuh chinchin nak ding ah fak chinchin in kan I zuam rih ko hna lai. Ramdang in a rak kir ding mi hna Kawlram miphun pawl a thongthong in an um hna caah an ca zong ah zohkhenh nak tha kan tuaktaan piak mi hna a um, cun tlangrai zawtnak dangdang kong zong ah tihnung dirhmun kan phak nak hnga lo ding hi biatak tein kan I zuam a herh rih mi a si.

Source: Aung San Suh Kyi’s Fb

 179 total views,  1 views today

This function has been disabled for Chin 11 News.