David Ngaisak: Kan Lungfim Ahau Cang, A Biapi Taktak Mi Point 11

1. Chin Pyine le Chin miphun umnak hmun ah Chin Miphun Party nih tei ko seh.

2. Tlangcung miphun umnak kipah Tlangcung Party pawl nih teihna seh.

3.Kawlram chung kawl umnak ah kawl party nih tei ve ko seh.

4. Kawlmi nih policy an soi i, kawl miphun nih ahruai mi party cu kawl party asi ko.

5. Chin miphun caah Policy soi i, Chin miphun nih a hruai mi party cu Chin miphun party asi.

6. Kawl miphun nih Chin Party mee an pe bal lo. Chin miphun nih kawl party cu mee pek kan duh tuk. Cu ruang ah kawl party atha athawng chinchin i, Chin miphun le tlangcung miphun pawl cungah duhtawk in nawl an ngei, thil an tuah khawh.Power an ngah tik ah zei a kanrel ti lo.Biaknak le Pipu Lohmun akan hrawh khawh.

7. Chin party le Tlangcung party nih kanngei mi seat 207 chungah atam deuh kan tei aherh.Kawram leiah atangmi seat 291 chungah kawl party nih a tam deuh tei ko hna seh.Tlangcung party nih kanngei mi seat 207 chungah atam deuh kantei khawh ah cun Kawlram pumpi Acozah ser ding aduh mi seat 333 tlin dingah kawl party pakhatkhat he kanni bawmh lai i, Coalition Goverment( Fonhkomh Acozah) kanser khawh ve lai .

8. Kawlram pumpi aser tu, Panglong cachok sen athuh mi Miphunpi Kansi nak langh ter le nun ter dingah cun Chin miphun party thazang thawn aherh.

9. Kum sawm sarih luan nawlngei lo dingah kawlnih akan tuah caah kawlmi cu Bawi asi ,nawlngei tu asi tiin kan rakruah sual mi kha hlawnh ahau cang. Kan Chin miphun party kut chungah nawlngeinak aphan khawh hnga dingah Chin party, kan miphun party cu mee pek ahau hrimhhrimh.

10. Chin Miphun cu miphun ngan le miphun Sang kansi timi langhter dingah Chin miphun party cu dirhkamh ahau hrimhhrimh.

11. Chin miphun caah Chin miphun lawng nih tuah ding tavuan kan ngei. Miphun dang nih tavuan an ngei lo. Chin ram nadawt ah cun,Chin miphun nadawt ah cun Chin party na dirhkamh aherh hrimhhrimh.

 225 total views,  2 views today

This function has been disabled for Chin 11 News.