David Lah Cu Cozah Phung A Buar Ko A Si Ah Cun An Tlaih Mi Cu A Hman Ko Tung

David lah cu Cozah phung a buar ko a si ah cun an tlaih mi cu a hman ko tung. Zum tu cio cio kan si tik ah kan tuar pi awk cu a si ko nain an tlaih mi hi khat lei kap in rak tanh len hi a hman bik ah ka ruat lo.

Bible ca kan zoh a si ah cun David le Salomon te hna kha an rak palh sual caan le Sual i an tluk sual caan zong a um ko i David la zong thlarau ca ah tha hnem a ngaih tuk ruang ah maw a si hnga cozah nawl a zulh duh hrim hrim lo zong kan thei lo.

Vawlei cung pulrai a si i a ho pauh nawl ngai lo mi nih cun Kawlram pumpuluk in kan rak tuar dih cio mi asi ko.Cozah phung a thei ko nain a buar a si ah cun a mah palh a si ko.A palh mi cu a palh kan ti awk a si ko.Cu lo ah cun a mah pakhat lawng palh a si lo i kan tanh ruang ah hin kan za tein kan palh kho mi asi.A ngai ngai tiah cun Krifami kan si i a hman mi le a dik mi thil kha a tanh deuh ding kan si.

A chuak colh ko lai i Pathian sunpar nak tu ah cang hram seh law Thawng tha chim tu hei si ruang i a palh ko mi palh loh hei ti piak peng le thingfung la ding phun deng deng i holh le bia chim te hna hi Pathian huat phun an si kho men.Thawng tha chim,Pastor le Evangelist te hna hi an palh kho bak lai lo tiah aa mahkhan ngam teh kan um hnga maw? An mah zong minung an si an palh sual kho ve tiah ruat in thla cam piak hna u sih law kan zumh nak tha a dam lai i a mah ca zong ah taksa thlarau tha zang thar a la kho hnga tiah ka ruah.Nang teh zei tin dah na ruah?

Credit: David

 197 total views,  1 views today

This function has been disabled for Chin 11 News.