Dallas County Covid-19 Kongah Theih Tha

Texas ramkulh uktu Greg Abbott nih inn ah um cio ding in nizan 3/31/2020 ah zulh ding upadi a chuah. Mah chungah Texas sianginn vialte zong May 4 ,2020 hlang ah on rih lo ding ti a si. Cucaah sianginn vialte nih amah upadi a chuahmi cu an zulh hau lai caah May 4, 2020 hlan cu kai a si rih lai lo. Tuni tiang ah Dallas county ah Covid-19 zawtnak a ngeimi minung 731 an si, mah lakah minung 15 an thi, minung 2 an dam than cang.

Dawrte pawl ah eiding caah rawl cawk na duh ahcun zingka an onkaa khi a tha bik kho. Dawr kip ah kal loin zawtnak kongah a ralring deuhmi dawr ah kal ah a tha. Tahchunhnak ah Kroger khi thil cawk tikah nammi leng (cart) khi tha tein zawtnak rungrul thahnak sii an kah dih caah a tha ngai.

Cun, tuni tiangah Covid-19 zawtnak kongah cheknak an tuahmi hi a thawchuah a harhmi, a khuh a khuhmi , cun a tak linh 99.6 cunglei a si lawngah an chek hna. Mah zawtnak bantuk pawl a um lo ahcun chek na duh zongah an in chek rih lai lo. Dallas County ah Covid-19 zawtnak cheknak hna cu hmun (2) ah a um: (1) 2500 Victory Avenue in Dallas le (2) 9191 South Polk Street in Dallas ah an si. Nifatin zinglei nazi 8am in zanlei 8pm tiang an on. Appointment lak cia a hau lo. Parkland siizungpi zongah an tuah ve nain an mah sinah aa piah cangmi ( an mah mizaw) lawng appointment lak hnu in chek piaknak an tuah.

Nai ah khan CDC nih mah tein Covid-19 zawtnak chek khawhnak online in an tuah. Hi an website:  “https://www.cdc.gov/…/2019-nc…/symptoms-testing/testing.html” ah leng in mah tein cheknak tuah khawh a si ve. Vandum azawng a langhak Coronavirus Self-Check tiin a tialnak zawn ah khan hmet law, na orhlei kam ah biahalnak tlawmpal a um lai, phit hna. Cun na zawtnak phun thim hna law, Covid zawtnak ngeih dawh na si maw si lo ti a lang colh kho. Online a thiammi caah cun a fawi ngai khi a si.

Pathian nih himnak damnak An pek cio ko hna seh!

Credit: Salai Z T Lian

 208 total views,  1 views today

This function has been disabled for Chin 11 News.