Dalaan Tihnung Taktak Mi Veng Khuabawi Meithal In An Kah That

Tuzing ah dalaan pakhat an thah, Mandalay , Kyaukse Township, ah Veng nih an khih mi khuabawi pa cu cycle a cit lio ah meithal in an kah i a nunnak a liam. An kahnak hi Guiding star sianginn pawhah a si. Mei thal puah kan theih i kan ve zoh cu veng khua bawi pa a si tiah an chim.

A tulio cu a ho hmanh covid zawtnak ruangah lengchuak lo in inn ah i erh a si i,a thih ning le an kah ning zong kan va zoh lo tiah a thihnak sang nih an chim. mah kong hi a tu an dothlat colh tiah theih a si. U Kyaw Htin Aung cu Dalaan a si caah an thah mi a si tiah an chim. a ho nih dah an kah i zeitin dah a si timi fiang tein hngalh a si lo. Mizzima

Relchap:Pansai peng chung ah MNDAA le ralhrang kar kahdohnak ah ralhrang minung 5 an thi August 3 ,thok in ni 5 chung ah Shan ramkulh Musee pengkomh, Pansai peng chung ah ralhrang phu hna le MNDAA ralkap kar ah kahdohnak a chuak i, ralhrang lei in Duh-Tat-Yin-Hmu,Duh-Tat-Khuai-Hmu tel in minung 5 an thi tiah Kokang thawngzamhnak The Kokang News nih a langhter.

Khah-Mah-Yiah 575 le Tatmat-99 le Khah-Mah-Yiah 79 in minung thazaang 30 hrawng tel mi ralhrang phu cu Pansai khua MNDAA Kokang hmunhma chung ah an rat caah kaphnih kar kahdohnak a chuah hi a si.

Kahdohnak ruang ah Pansai khua pawnghrawng ummi khua chung ah hriamngan tlak in a puah caah mipi lei in minung pakhat a nunnak a liam , khua chung inn hna zong an rawk , khuami hna zong Tuluk ramri lei ah kal in an zaam tiah Kokang thawngzamhnak nih a langhter. #Khit Thit Media