Dalaan Chungkhar Meithal In An kah Hna, An Monu Lawng A Him Asinain Amah Zong Hliam A Tuar ve

Sagaing ramthen Shwebo ditric, Khin OO peng zuattan khuami Ralhrang sinah a thli in thawng a pe tawntu ralkap nih dirhmi piosawtthi phu hna he pehtlaihnak a neimi pafa hna cu nizaan August 2 , zaan nzai 11 hrawngah a ho ti hngalhlo mi nih meithal in an kah hna tiah thawngtheih a si.

Hi hna pafa thah a tongmi dalaan hna hi zuataan khua ralhrang le piosawtti hna sinah thawng a pe tawntu le an van rat caan poh ah lam a thihruaitu tawntu hna a si mi Pho Pya(kum 40) le a fapa Chit Oo (kum 24) hna an si. Chit Oo nupi Ma Khin Moe zong Meithal kuan nih a khen nain a thi lo.

Relchap:Vote kong ah Ming Aung Hlaing nih tha tein vote hi zoh felnak nei ulaw cu, kan tling lo zongah tluangtlam tein, a hopoh nih ram hi hruai ding a si, hriamnam chuah in anating ting hi a um hnga lo tiah a chim. Rampi mipi thawng a thanh nak ah a chim.

SAC ralhrang UEC pawl nih an tar ning a si ahcun kawlram pi vote hi a dik lomi 11 million leng a um tiah an ti. Hi bantuk a dik lo mikongah vote zoh than dingin kan hal hna sihmanh law dik lotuk in a tling mi NLD pawl nih an duh lo tiah Min Aung Hlaing nih a chim.

Vote a dik lomi kan hmuh mi hi a tam lengluang i, tha tein chirhchanh kan nei. Democra phungin cozah kai sehlaw Hluattaw ah tuanvo neitu pawl tha tein theihter si sehlaw , kan ruahnak kan thlen ko hnga.

A dik lomi thil a felfai lomi cu tuan te ah rak cinfel ding a si nain, tha tein vote rel thannak um sehlaw, uknak hi kan la hnga lo, tiah thla 6 chung rampi nawlngeihnak a lak hnu ah a chuahmi cathanh a tel chih

Vote dik lo ruangah ralkap lei in zohthan nak tuah dingah NLD kan chimh len hna nain , NLD nih an duh lo, vot dik lo i a tling mi NLD palai pawl Hlawttaw metting an kai thotho. hihi rampi nawlngaihnak lak diklo in lak an timh caah a si.

A rauh hlan ah thimnak kan tuah lai i mithmuh le hna theih bak in palai pawl kan chiah hna lai tiah a chim.2023 August thla ah ah a tlingmi rampi tuanvo latu dingah party dihlak Democracy phung ningin thimnak kan tuah than lai, teinak hmutu party sinah nawlngeihnak kan pek than lai tiah a chim.Chin Net