CYO Miss A Cotu Leng. Ngun Sui Zi Nih A Laksawng Lakmi Dihlak Miphun Dolthlennak Caah A Hlut

CYO MISS
2nd runner up
LG. Ngun Sui Zi nih
A laksawng hmuh 500.00 Dollar Vaurawng sin in Dothlennak a tuah tu hna sin ah a hluut. Kan miphun cawisang tu cu cawisang ve usih.
Vaurawng par Aa tonh ,kho Leng le vaal Vaan ngai in Kan miphun A hruum lio e…

Relchap:A tu september thla chungah tuah ding mi UN assembly dih hnuah ralhrangbu nih uknak a lak hnuah a tlaih mi vialte cu tazacuai biachahnak tuah a timh tiah theih a si.

Hi kong he pehtlaihin Naypyitaw ah biaceih zung lei riantuan mi he pehtlaihnak a ngeitu pakhat nih; covid ruangah zung vialte khar rih a si bantukin biaceih zung zong khar rih an duh.

Biaceihnak zong cu an kut ah a um mi a si. An duhduh in an tuah ko lai.Cun,UN tonpumhnak zong a um rih caah, mah hlan ah an tuah a si ahcun vawleicung mithmai ah hmaichiat an ton khawh mi a si tiah a chim.

Ralhrangbu nih nawlngeihnak a lak hnuah NLD cozah hruaitu hna le party lutlai hna telin mipi zeimawzat an tlaih hna, an hren hna. Mah hna vialte hi UN tonpumhnak a dih in biachah tuah an timh mi a si.

AAPP nih nihin september 13 cazin an chuah ningah February 1 in september 13 tiang ralhrangbu nih an tlaih lio mi 6449 an si i, mi 1088 nih ralhrang kut in an nunnak a liam cang.

Ralhrangbu nih June 30 ah ramkhel kong he thongtla mi 2000 leng an thlah hna nain, pohmah 505(A )le ramkhel kongah a thong a tla lio mi 6000 leng an um rih tiah theih a si.

UN assembly nih Kawlram aiawh dingah NUG le ralhrangbu in pakhat khat thim ding a si lai i, NUG nih U Kyaw Moe Tun min pek a si. Mah hi UN Credential committee le UN chungtel ram 193 nih an ceih te lai.
Ref; Ayeyarwaddy times