Cung Lei Cozah Nawlpeknak In Chin Ramkulh Khuapi Pathum Ah Suu Kyi Dirpinak An Tuah Lai

Cung lei nawlpeknak in Chin ramkulh khuapi ah Daw Suu Kyi dirpinak an langhter lai. Cung lei cozah nawlngeihnak in Chin ramkulh khuapi pathum ah Suu Kyi dirpinak an langhter lai.

Chin ramkulh Mindat, Matupi le Falam myo khuapi pathum ah ICJ vawlei biaceih zung hmai ah a dir mi Suu Kyi dirpinak thaizing ah an langhter lai tiah theih a si.

Mindat le Matupi myone ah thuai-oh hruainak in Suu Kyi dirpinak an tuah lai i Falam ah thuai-oh nawlpeknak in khuanu khuapa hruainak in an an tuan ve lai. Nihin zan ah khan Biakinn ah thawng an thanh ti a si.

Rohinya miphun hna thahnawnnak na tuah i an cihmih na timh hna timi raungah OIC ram pawl ai-awh in Gambia ram nih ICJ vawlei biaceih zung ah taza an cuai hna. Cu kong ah Suu Kyi nih biaceih zung ah a kal i Nertherland a phan cang.

Thaizing December 10, 2019 ni ah Matupi, Mindat le Falam ah lamzawh in Suu Kyi kan in dirpi ko, kan in tanpi ko timi langhternak an tuah lai. Tutan ahhin a ho a palh le a ho a dik timi kong langhter an i tim lo. A dik mi thil kal ning in Suu Kyi nih a dirpi khawhnak lai langhter an timh mi a si.

 

 174 total views,  1 views today

This function has been disabled for Chin 11 News.