Cu Hlan Bantuk A Si Ko Ahcun CNA Ralkap Tlak Kan Mino Kan Forh Mi Hna Hi Kan rak Palh Taktak

CNA Ralkap lak hi kan fial len hlah uh. zeiruangah dah nan kan fial len, nan mah chungkhat le unau tlak ter le nan siang fawn hna lo. laimi mino vilte CNA ah kan tlak a hau tiah online in kan au len. CDF um hi a tha ko tiah ka ruah a ruang cu CNA ralkap saupi a tuan mi hna tampi kan hmuh cang hna i, An upa pi tiang an tuan hna.

An upat lei sang ah an nupi le an fa le zoh ah an harsa ngaingai hna. An chan tha vialte ralkap an tuan nain sifak le harsa lawng an rian. A hlan bantuk a si ahcun CNA tlak hi i forh len ding a si lo. A tu cu kan ram a chiakha tuk caah CDF ah kan luh ding bak a si ko. Cun a tu lio ah CNA nih dan thar ah van chuah mi hi an thiam kho tuk. A ruang cu kum thum chung ralkap tuan hnu in i dinh khawh nak lam an ser mi hi a tha taktak hi tining in an kalpi ko a si ahcun mino tampi CNA ralkap ah kan lut kho lai. Crd… Pa Liana Aizawl

Relchap: Falam ah sianginn an kai than dih tiin a phunzai mi tampi ka hmuh hna. Phunzaimi pawl hi kap khat lei lawng in khua an ruat caah asi, miphun an dawt ning ai phundang deuh.

Nain, MAH dohnak caah sianginn kan kai lai lo ti khi cu ‘lo fangvoi a eitu vom hrem ding ah khuate pakhat lo an tuah lo’ timi kha kan hluan ko lai. A tuartu taktak cu kanmah thiam thiam kan si lai.
Kan mino sianginn kai lo an um i an lam a pit dihmi khi MAH caah fahnak pakhat hmanh a pe lo, a lung zong a fak lai lo timi kan i fian a herh.

Miphun ralkap controlmi khuate ah private in sianginn on dih ding a si ko. Control khawh lomi ah cun a ong kho poah nih on ve ding asi ko — kan mino le miphun caah a si.

MAH hi fawi tein tei khawh phun a si lo caah ‘kan tei hlan lo sianginn kai lo’ timi cu kan mino thanchonak a donkhantu ruahnak tihnung a si.Salai Lung Thli Tum

 

Be the first to comment

Leave a Reply

Your email address will not be published.


*