Cristiano Ronaldo Nupi Georgina Hi A Va Tluk In Sifak le Mihar Zawn A Ruat

Cristianno Ronaldo hi bawlung chuih lawng ah a lar lo, sifak tibantuk hi a bawm taktak tu a si,tutan Covid 19 caah siizung herh ding mi thilman fak taktak siizung panga ah bawmhnak a pek.

Cristiano Ronaldo nungak Georgina hi zeituk in dah mi a bawmh hna i, mi cungah zaanfah nak a nei ve, Georgina nih a chim nak ah cun, kei cu zeitluk ka manh lo zongah ka caan tamdeuh hi cu inn ah hman ka zuam, ka pasal le kafa le sin ah caan tamdeuh ka pek tiah a chim. Ka fale he hmunkhat i caan tamdeuh hman hi a nuam ka ti cem tiah a chim.

Ka rian hi a nuam ka ti ngai nak cu inn ah rian tampi tuan pah in, ka hmanthlak inn inka Upload khawh mi a si, a caan ah cun rian kan neih deuh caan, thil biapi a um ah cun nihnih chung hna inn ka chuah tak tiah a chim. Georgina hi nu mak tuk a si nak cu a fa le ca lawngah a caan a pe lo, a pasal caah caan a pek chih cu lawng si loin a taksa a dawt caah gym ah a kal peng chih.

Cu lawng si loin midang bawmhnak caah a caan a hman fawn. Spain ram coronavirus ruangah har satnak an ton i, hihi ka bawmh khawh mi hna cu ka bawh hna awk a si a ti. Ka angki lak ah adawh mi pali ka thim hna cun an pa Cristiano Ronaldo angki cu  aa hruk i Insagram ah a post i minung 2,130,435 nih an likes piak. Cu phaisa a hmuh mi cu siizung ah a hlut hna.

Social media lawng cun mi tha a si hngalh nak ah a za lo, Cu lawng si loin Georgina hi thildang tampi ah mi a bawmtu a si, Voikhat cu umnak nei lo mipa Georgina sinah a kal i, na ka bawm kho hnga maw tiah bawmh a hal, midang nihcun hi bantuk minung an nehsawh tuk hnalio ah cupa cu a bawmh. Ronaldo he an i ton hlan ah thil tampi a ton caah maw sifak zawn hi a ruat hnga tiah an ti.

 62 total views,  4 views today

This function has been disabled for Chin 11 News.