Cristiano Ronaldo Nih Ventilator Panga A Hlut Hna Lai

Cristiano Ronaldo hi cu mipi nih uar lo awk le thapek loawk a rak tha ve hrim lo hme hi a tuahser nak tete zoh tikah midang caah zawnruah nak a ngeituk hringhran. Cristiano Ronaldo nih cun an khua ah coronavirus dohnak ding caah tiin ventilator panga a hlut hna lai tiah thawngzamh nih an langhter.

Medeira khua ah a chuak mi Portugauese football star minthang Cristiano Ronaldo¬† le a agent Jorge Mendes nih cun Regional Health Service Of Madeira sinah ventilator panga hi an pek cang hna lai tiah Lusa News Agency nih cun a langhter. “Health Service of the Autonumous Region of Madeira (SESARAM) nih an langhter ve ning ah cun COVID-19 dohnak le mizaw pawl thlupbul nak ah tiin C. Ronaldo le a agent a si mi Jorge Mendes sin in ventilator panga kan hmuh cang” tiah SESARAM nih cun an langhter ve cang.

Hi ventilator panga C. Ronaldo te nih an hlut mi hi C.Ronaldo te khua nih an hmuh cang a si ah cun an khuachung ah ventilator 99 a um cang lai tiah zong an langhter chih. Cun kan hnuzarh chung ah khan C.Ronaldo nih hin Santo Antonia Hospital ah ICU siamnak ah tiin tangka thazaang in siseh, thildang hmanrua a herh mi zong tamngai a rak bawmh cang hna caah ICU zong tlamtling tein an lim khawh cang tiah an langhter. Portugal ramchung ah hin COVID-19 in a zaw mi hna hi minung 6,170 an sicang i a thi mi hi 100 an leng cang tiah zong an chim.

 190 total views,  1 views today

This function has been disabled for Chin 11 News.