Cristiano Ronaldo Cu Zungzal Umpi Ding Nupi A Thi Cang Lai

Juventus le Portugal Star Cristiano Ronaldo cu a nungak Georgiana Rodriguez cu Morocco ah “ Chiat ah siseh, That ah siseh, Kan Dawt zungzal lai” tiah biakamnak an tuah cang lai. Vawlei cungah Bawlung ah minthang Ronaldo le a nungak Georgiana Rodriguez hi kum 2017 khan duhdawtnak hram an rak thok.

Caan sau nawn an I zulh hnu ah nuva (Nupa) an si cang lai tiah ramdang lei media pawl nih cun an chim. Georgiana Rodriguez hi kum 1994 January ni 24 ah Buenos Aires, Argentina ah a chuak I, A sinain Spain khua le rammi sinak a ngeimi a si.

Georgiana hi a hlan ahcun Spain ram I, café pakhat ah waitress rian a tuan tawn I, a sinain Ronaldo he an vun I duh bak in vawlei cung theih in Model minthang ah aa chuahmi a si. Ronaldo hi thawngpang a ngei taktakmi a si ve I, caan sau nawn midawh le tungtairem Victoria Secret Angel Irina Shayk he caan sau nawn an I zul, thitumhnak zong an tuah te men lai tiah ruah an si nain Ronaldo a nu ruangah an rak I then than tiah an rak chim. Asinain a tu tan ahcun Ronaldo nih Nupi caah Georgiana Rodriguez a thit cang lai tiah midang lei media nih cun an chim.

 248 total views,  1 views today

This function has been disabled for Chin 11 News.