Covid-19 Zulhphung An Ser Mi A Zul Duhlo Mi Hna Pawl Cu Dawh Ngai Le Fak Ngai In Dantat Nak An Tuah Hna

Venezuela ram ah ngandam nak lei lutlai hna le ram pumpi runvennak lei tuanvo ngeitu hna nih Coronavirus a karhcho lo nak hnga ding le mipi ngandam nak caah tiin zulhphung an ser mi hna pawl a zul duh lo mi hna le a lungkhong deuh mi vialte hna cu an tlaih dih hna i an taksa a fahdih cikcek tian Excercise an tuah ter hna, chun nilin lakah an thut ter hna hnu ah zanlei ninem hnu ah fung in an tuk hna i cu hnu ah lengchuak ti loding in an chim hna hnuah an loiter hna hi a si.

Hi kong he pehtlai in tuanvo ngeitu hna nih an chim mi cu Venezuela ramhlum cozah nih dantat nak an tuah ning hi Social Distancing in mawtaw pakhat ah minung zeizat tiang dah cuan khawh a si ti le hmaihmuh kong tiang in felfai taktak in an zoh hna hnuah zulhphung pakhat tete in an zoh piak hna hnuah anmah le an i tlak ning cio in dantat nak an tuah hna hi a si tiah an chim ve.

Hi bantuk in Venezuela ramhlum cozah nih zulhphung an ser mi a zul duh lo mi hna cung ah dantat nak an tuah mi hi zawngkeng police cheukhat pawl nih cun caan tha ah an lak cawlh ve i tangka tamtuk an hal hna hnuah fung in an tuk chih hna lio video an rak phozar piak mi hna ruang ah buainak nak an tong ve cang.

Hi batuk in ram mipi sinah a dik hman lo ning in tangka hal hi fak piin kan doh ding mi kan rian zong a si caah hi bantuk in rian a tuan mi hna cung ah fak piin action lak zong kan i zuam lai tiah Venezuela President Nicolas Maduro nih cun a chim. Venezuela ram ah Covid-19 zawtnak a ngie mi hna hi minung 24166 an si cang hna i cu chung ah a thimi hi 208 an si cang hna.

Source: Akon Thi (Burmese-Hakha)

 139 total views,  1 views today

This function has been disabled for Chin 11 News.