Covid-19 Update; Kawlram Cu Thawngpang Tha Chin Lengmang Kan Panh Ko

Tuzan April 30, 2020, zan suimilam 8 (Myanmar time) thawngpang kan theih ning le ngandamnak zung nih thawngthanh nak an tuah ning ah cun zawtnak rungrul hmuh thar mi an um lo tiah an langhter. Thawngpang tha tuk hringhran a si ko.

April 30 – zanlei sml 8:00 i Kawlram Ministry of Health and Sports thawngthanh mi ah Kawlram ah Covid-19 zawtnak aa chapmi an um lo.

A dam thanmi minung an i chap. Voihnih tiang zawtnak chek hnu in a thiangmi (Negative) dihlak minung 28 an si cang. Cu chung ah Minung 17 cu siizung in inn an lawiter cang hna i mah le inn cio ah ni 14 Quarantine an i tuah lai. Tedim siizung in a dam thanmi Pu Thawng Suan Khai (Case-1) zong nihin zingka ah inn a lawi ve cang.

April 30 zan suimilam 8 tiang ah cun Myanmar ram chung ah Covid-19 rungrul a ngei ko tiah fehter mi hna (positive case) hi minung 150 an si cang hna i a thi mi 6 an si cang, cun a damthan mi hna hi an dihlak in minung 28 an si cang tiah ngandamnak lei nih thawngthanh nak an tuah ning a si.

Source: DVB; The Chinland Post

 160 total views,  1 views today

This function has been disabled for Chin 11 News.