COVID-19 Thawngpang Thar Bik! Tih A Nung Ngai Ko!

COVID-19 Update

“Nitin ten a cang thei tawkin himi naatnak karh lo dingah ṭan la dingin leitlun ih ram zaten thu kan lo than” tiah WHO chief, Tedros Adhanom Ghebreyesus cun tusun March 11 press conference ah a sim.

Cu lawng siloin, “Pandemic” tiih mirang ṭong ih theihmi leilung tlunpi hmuahhmuah kai aw theimi naatnak tiah phuan a si. Tu dinhmun ah Iran le Italy cu Tuluk (China) hnu ih COVID-19 karhzai tambiknak ram an si. Dr. Mike Ryan, the WHO’s emergencies chief cun “Himi ram 2 an tuar nasa vekin ram dang pawl khal reilo teah kan si thluh ding” tin a sim.

Tu dinhmun ah leitlun huapin 121,000 hnakih tam in naatnak an ngah ih, 4,300 an thi. Sinan tampi sawn cu an dam sal. Cutin a dam thei salmi pawl cu naatnak a roh hlanah in tuamhlawm man ruangah a si ih, zarh 2 sungah an dam thei. Sinan naatnak a roh deuhmi pawl cu zarh 3 ihsin zarh 6 sungah an dam tin World Health Organization cun a sim.

Italy acozah cun 25 billion euros (nearly $28 billion) himi naatnak hrangah hmang ding le pursum nak lam bawmnak le mipi harsa pawl hrang ah sumpai hman ding a ready zo. USA khal ah President Trump in mipi harsa lo dingah tax cut mi pawl cut hrih lo dingin mizan March 10 ah press conference ah simnak a nei. COVID-19 hranga billion $8.3 hmang dingin khal USA cun a pass zo.

Italy, Korea, Japan le Iran ram cu tlawng, office, a bur ih umnak le biakinn pawl tampi an khar rero zo. Anthony S. Fauci, M.D., NIAID Director (USA) cun American mipi khal a cang thei tawkin tuah ding timi le tuahlo ding timi pawl thlun dingin sim nak a nei.

Himi naatnak ruangah, thla 3 hman kim hlanah ramtin pursum nak lam (Economy) tla nasa zetin a siat phah zo.

Source: Associated Press

(Cangantu hminsin: Himi ngan mi hi mipi ṭih phan dingin tuahnak ah siloin, facts le kan theih ṭulmi tuah ṭulmi pawl kan theih thei nak dingah nganmi a si)

 217 total views,  2 views today

This function has been disabled for Chin 11 News.