Covid-19 Pulrai Zawtnak Kan Tei Cang Tiah Lunglawmh Nak Puai An Tuah

Vietnam ram cu cozah nawlngeitu hna nih Hanoi City ah lockdown an rak tuah mi vialte cu May 5 ah khan an dihter cang I mipi pawl zalong tein tlonlen nak nawl an pek cang hna. Cu ruang ah Hanoi City chung ah a um mi sang/veng pakhat ah inn 2700, milu in 11,500 nih pulrai zawtnak a si mi Coronavirus hi kan tei cang tiah lunglawmh nak puai an tuah cawlh I Vietnam thantar (flag) cu I put in Covid-19 teinak puai an rak tuah hna.

Hanoi City chung ah lockdown vialte cu a thar in on than dih a si caah mipi pawl cu an I lawmtuk cio hna. Pulrai zawtnak in luatnak, zalen nak kan hmu cang tiah lawmhnak puai an tuah hna I an ram thantar (flag) zong hehchet tiah an vingh hna. Hi teinak puai an tuah nak hmunhma hi April 6 ni ah khan positive 243 an rak um caah fak ngaiin lockdown an rak tuah nak hmun zong a si.

Mipi cawlcangh ning le thlonlen ning nih cozah nawlngeitu hna le siibawi te thinphang in a chiah than hna ruang ah May 11 tiang hi cu phihkhar rih si than sehlaw mipi nih mask hi I bunh peng si seh tiah nawl an chuah than.

Vietnam ram ah hin tuchun May 6 tiang ah thawngthanh nak an tuah ning ah cun positive case hi minung 271 an si cang nain a thi mi cu an um rih lo tiah theih a si. Cun minung 262, 000 hi zawtnak ngei maw ngeilo tiah hneksak mi zong an si hna I minung 30,500 I lunghrinh deuh mi an si hna caah quarantine ah an chiah hna hi a si.

DVB TV News

 173 total views,  1 views today

This function has been disabled for Chin 11 News.