Covid-19 Positive A Si Mi Hringtu Nu Nih A Nausem Hnuk A Dinh Kho Maw? WHO Bialeh Nak

Covid-19 positive a si ko mi hringtu nu pakhat nih a nau sem cu a hnukthlum a dawp ter khawh, Covid-19 positive a si ruang ah a nau sem he hmun dangdang ah chiah an herh lo tiah vawlei cung ngandam nak hlathlai tu phu nganbik a si mi WHO nih nizan June 12 ah khan thawngthanh nak an tuah.

Hi kong ah hin WHO lei nih thawngthanh nak an tuah ning ah cun Covid-19 positive a si mi hringtu nu nih a nau sem te cu hnuk a dawp ter tikah Virus a chawnh khawh nak a um le umlo hi felfai tein research kan tuah mi a si tiah an chim.

Hngakchia hi Virus chawnh khawh nak ding ah lam a tlawm deuh mi an si, hringtu nu nih a nau sem hnuk a dinh tikah Covid-19 nak hmanh in tih a nung deuh mi zawtnak phun tamtuk cu nau sem nih hnuk a din nak thawng in a rak khamh khawh. Hringtu nu pakhat nih a nausem hnuk a dinh mi nih a chuah pimi thatnak hi Covid-19 nak hmanh in hngakchia caah tih a nung deuh mi zawtnak tampi a rak khamh kho mi a si.

Cu ruang ah hringtu nu pakhat cu Covid-19 positive a si ruang ah a nausem he hmun dangdang ah chiah hrimhrim lo ding an si, hringtu nu nih ahnuk thlum cu a nausem caah a tha bik mi sii-ai a si caah duhdim tein a dinter awk hrimhrim a si ko. WHO riantuan tu hna le a riantuan tti hawi vialte hna nih Covid-19 rungrul hi hnuk hang chung ah a um kho ti hi kan hmuh rih lo mi a si caah nausem a ngei mi paoh nih cun Covid-19 positive nan si ko zong ah na nausem cu hnuk na dinter awk a si ko.

Source: Akon Thi

 213 total views,  1 views today

This function has been disabled for Chin 11 News.