Covid-19 Mizaw Pawl An Chiah Hna Nak Hmun Inn A Kang Mi Ruang Ah Mizaw Pa 9 A Kangh Chih Hna

India ramchung Andhra Pradesh pengkulh chung ah COVID-19 mizaw pawl an chiah hna nak hmu siizung pakhat bantuk in an hman chung mi Hotel cu tuzing tuannawn ah khan mei kangh nak faktuk a chuak mi ruang ah Covid-19 mizaw an chiah mi hna chung in a tlawmbik mizaw 9 hi cu a kangh chih hna tiah police lei nih thawng thanh nak an tuah ning a si.

Mei an hmih khawh hlan karlak ah inn chung an room chung cio ah a um mi hna Covi-19 mizaw an zohkhanh lio mi hna hi mei nih cun a hrankhumh mi hna an rak tam ngai hna caah minung tamngai zogn hliamhma he an um hna i acozah siizung ah tamngai cu an thial cang hna tiah theih a si.

Andhra Pradesh pengkulh ah Covid-19 mizaw pawl an chiah hna nak hmun mei kangh nak ruang ah a thi mi hna le hliamhma fak a tuar mi hna an konglam nih India ramchung cozah ngaihchia le lung nuamlo ngai in a chiah hna. Kan hnu deuh te zong ah khan India ramchung ah Private siizung mei kangh nak a rak chuak hoi cang i mizaw 8 a rak kangh chih bal cang hna.

Hi mei kangh nak kong he pehtlai in Andhra Pradesh cvuanci nih hlathlai nak kan tuah cuahmah lio a si i a rauh hlan ah thil sining fiang kan langhter khawh ko lai tiah a chim.

Source: Akon Thi (Burmese-Hakha)

 144 total views,  1 views today

This function has been disabled for Chin 11 News.