Covid-19 Khamhnak Sii Vaccine Mrna-1273; By Slai Lairamthang

Massachusetts state Cambridge ah a ummi, Moderna timi bio-tech company nih Coronavirus khamnak si Vaccine serchuah dawh an si. Atu tiang test an tuahmi ah an lung a tling ngaingai. Mah vaccine cu mRNA-1273 tiah auhmi si a si. Mah Moderna Biotech company cu 2010 ah rak dirhmi company a si. France mirum pa, Stephane Bancel le a hawile minung 9 nih an dirhmi company a si.

Mah si hi minung ah an test hmasa bikmi si a si. Kan hnu March thla ah khan minung 9 ah an test hmasa hna. An testmi hna minung 9 ning tein coronavirus a khamh khawh ti a si. Asinain minung pakhat tu cu si an chunhnak pawng hrawnghrang a senmi side affect a um ti a si. Atu an sermi si hi antibody si phun khat a si. Kan pum chungah a ummi immune system kha a thawntertu a si. Immune system a thawn hnu ahcun Coronavirus nih a thongh hna zongah a hlan kho hna lo ti a si.

FDA nih an serhchuah cangmi cu tha tein an check piak hna i, pehzulh dingah an cohlan cang. Atu ning in a that chin lengmang ahcun tuan ah an chuah khawh men tiah zumnak a um.

 216 total views,  1 views today

This function has been disabled for Chin 11 News.