Covid-19 In A Thi Mi Hringtu A Nu Thlan Cung Ah A Nunnak A Liam Ve

England ram Warwickshire ah a um mi kum 32 nu pakhat cu COVID-19 in a thi mi hringtu a nu cu a sianlo tuk hringhran caah a nu an phumnak thlan cung ah cun a tap lengmang nakah a thaw a rak dih I a nunnak liam ve tiah theih a si.

COVID-19 in a thi mi hringtu nu min hi Julie Murphy (kum 63) a si I a fanu hi Laura Richards (kum 32) a si. Hringtu nu Julie Murphy a thih ah hin tuanvo ngeitu hna nh Atherstone Cemetery thlanhmun ah an phum i chungkhar pawl cu hringtu nu an phum nak hmun cu an rak chimh hna. Cu hnu nithum ah an chungkhar minung 5 lawng nih thlanhmun ah cun an kal hna i lamhla nawn in hringtu an nu cu an rak tah cio hna. Asinain Laura Richards tu nih cun hringtu a nu hi a dawttuk caah le a sianlo tuk caah a nu thlancung ah cun a bawk i thih tiang in a rak tah hnawh hi a si.

Laura Richards cu hringtu a nu an vuinak pawng teah a ruak an vui ve I chungkhar hna zong nih fak piin an ngaihchiat nak an langhter ve. Hi hna nufa dawtnak kong nih hin England mipi zong an mitthli a tlak ter ngai hna.

Ref: D Nae Khit

 164 total views,  1 views today

This function has been disabled for Chin 11 News.