Covid-19 Dohnak Caah Sii-Ai A Phurtu Vanlawng Accident A Tong, Vanlawng Cung Um Mi An Thi Dih

MOGADISHU-Somali transport minister nih a langhter ning ah cun Somalia ah Coronavirus aids a phur tu vanlawng accident nak a tong tiah a rak langhter. Hi vanlawng hi Somalia leiah a kal cuahmah mi a si tiah theih a si.

Cun State-run Somalia News Agency nih a langhter ve ning ah cun hi vanlawng hi African Epress Airways hi tulio pulrai zawtnak a si mi Coronavirus dohnak ding le mizaw pawl thlopbul nak ding ah a herh mi sii-ai pawl a rak phur mi hna an si i cu vanlawng chung ah a um mi hna hi pilot, copilot, flight engineer , trainee pilot, le airline ah riantuan mi minung 2 an si i an dihlak in an thi tiah an langhter ve.

hi vanlawng a tlaknak hmunhma hi Bardale City pawng ah a si i hi ka hmun hi southern Bay region , Somali forces & Ethiopian troops, nih an hngah mi hmunhma pawng Somalia’s al Qaeda-linked insurgency al Shabaab pawl zong an um nak hmun a si tiah an langhter. Hi kong he pehtlai in The Jerusalem Post nih a langhter ve ning ah cun Ethiopian ralhrang nih an kah thlak mi a si tiah an langhter ve.

“Hi vanlawng a tlak nak a ruang hi theih a si rih lo, vanlawng tlaknak hmun ah mithi ruak 5 cu kan hmuh cang” tiah Abdirashid Abdullahi Mohamed, Somalia’s former minister of defence nih Reuter thawngzamh sinah cun a chim ning a si.

Source: RALTHUAM & TUNLAI KHAWVEL

 186 total views,  1 views today

This function has been disabled for Chin 11 News.