COVID-19 Damnak Ding Cu Na Pawng Teah A Um Ko

Thuh Lo Ah A Tha

Covid-19 zawtnak in a khamhnak sii ṭha bik cu khoika hmanh chuah loin inn chungah um peng le thiang tein kut i ṭawl peng kha a si ko an ti dih cio. Hihi a fawite mi a lo nain, a taktak ah a fawite lomi thil a si. Thil har bak a si ko. Asinain, tuah bak le zulh bak a haumi a si fawn. Pathian bia chungah ” rawl hak ei nan i tim lo, cawhnuk lawng nan duh” timi kha ka lungah a hong chuak ngai.

Atulio zawtnak hi Laimi kan zaw ve lai lo tiawk a ṭha bak lo. Kan zaw ve te ko lai. Kan zawt sual tikah thuh lo ah a ṭha bik. Laimi cu mi nih an uar lem lomi le mi nih an tlaihchan lem lomi kan ton tikah thuh kan hmang. Mah hihi i nautat bia a si. Laimi hi nautat kan hmang. Nautat hi san a tlaihnak pakhat te hmanh a um lo nain.

Atulio zawtnak hi damh khawhmi a si ko an ti dih cio. Asinain, i chawnh a fawi tuk rua caah ahopaoh i chawnh khawh kan si dih ve. Siibawi te nih lunghrinhmi kan si sual ahcun thuh loin chim lawlaw kha a ṭha bik ko lai.

Kanmah le kanmah kan I lunghrinh sual ah cun kanmah tein siibawi te fuh lawlaw zong a tha deuh fawn lai. Kan umnak a cozah nih zulhding an timi paoh zulh khawh I zuam cio hna usih.

Credit: Perhkalh Thang

 318 total views,  1 views today

This function has been disabled for Chin 11 News.