Coronavirus Ruangah Phihkhar Piak Mi Hna Small Business Kong Ah President Trump Nih Nawl Thar A Chuah

President Trump Nih PPP Loan Caah Nawl Thar A Chuah

Coronavirus ruangah sipuaizi hme tete a tuahmi, small business pawl cu cozah nih phihkhar piak an si. Mah ruangah small business pawl hi harnak faak bik in a tongmi an si. A hlei in rawldawr, hotel le business hme tete a tuahmi hna nih an tuar bik. Cucaah President Trump nih nizan ah khan PPP timi, Paycheck Protection Program an rak sermi cu tharchuahnak a tuah piak than hna.

PPP loan an rak sermi ah hin an riantuantu hna, employee pawl nithlawh/thlahlawh peknak, an benefit pawl le dawr caah a herhmi hmannak dingah cozah nih bawmhnak a tuahmi a si. An riantuantu hna thlahlawh caah 75% an hman ahcun cozah nih a pekmi hna loan cu ngaithiam khawhmi loan a si, phundang in chim ahcun cham hau ti lomi a si.

President Trump nih nizan ah min a thut i, executive order a chuahmi cu tuan deuh i, PPP loan caah an sermi nak in small business pawl caah a tha deuh chinchin. Asinain congress nih an pass than a haumi a si. Congress nih an pass le pass lo ding a fiang rih lo.

1. Small business ngeitu hna nih cozah nih tuah piakmi tahfung an tlinh ko ahcun loan timi kha grant ah tlen piak a si lai.

2. Busiess ngeitu hna nih loan an hmuhmi kha riantuantu hna lahkhah, an benefit le adangdang a herhmi ah hman khawh a si lai.

3. Loan an cawimi pek than a herh ahcun kum 5 tiang sauh piak khwh a si lai.

4. Loan an ngahmi kha hlan ahcun riantuantu thla hlawh caah 75% a hman lawngah ngaihthiam a si lai itmi kha atu cu 60%an hman ahcun ngaithiam a si lai. Cham than a hau ti lai lo tinak a si.

5. Lahkhah caah si lomi a dangdangcaah 25% in 40% tiang hmannak nawl pek than an si.

Presdient Trump nih small business pawl cu US sipuazi caah a thahri an si caah a bawmhning hna hi thangthat lo awk a tha lo. Small business ngeitu hna zong nih an i lawm tuk ding a si.

Sipuazi a tuahmi ka si lo caah ka palhmi a um kho. A thei deuhmi nih van bet khawh lengmang a si.

catialtu: Salai Lairamthang

 164 total views,  1 views today

This function has been disabled for Chin 11 News.