Coronavirus nih Hrialmi a Ngeilo: A Tlunh Cangmi Minthang le Hruaitu Hna

Canadian Prime Minister Justin Trudeau nupi Canadian Prime Minister Justin Trudeau nupi Sophie Grégoire Trudeau cu pulrai zawtnak cun an thlop lio si ve. An pa hi (positive cu a si lo nain) a cabinet pawl sinah ni 14 chung cu iteltum hlah seh tiah an kham. Brazilian President Jair Bolsonaro i a Communications Director Fábio Wajngarten

Brazilian President Jair Bolsonaro i hawi he ai chawnbia dingin rian a khinhmi Communications Director, Fábio Wajngarten, cu US President Donald Trump le a minung pawl he Florida i an va iton hnu ah, Covid-19 positive a si tiah an thanh. Donald Trump nihcun, Fábio Wajngarten le kei cu kan ipehtlai tuk leem lo a ti.

Cucaah, Trump nihcun rai nih a tlunh le tlunh lo i-test a duh lo. A al hna. Kei cu i-test ka herh lo a ti hna. UK Health Minister (Conservative MP) Nadine Dorries UK Health Minister (Conservative MP) Nadine Dorries cu nizan tihni ahkhan “positive” ti a si ve i, an thlop cuahmah lio a si.

Australian Home Affairs Minister Peter Dutton: Australian Home Affairs Minister Peter Dutton cu “positive” a si ve ti si. New Zealand ram Interior Minister he an rak iton caah, cu nu zong cu thaizing hi check-up tuah dingin timhlamh a si. Peter Dutton cu Donald Trump fanu Ivanka Trump he US ah an rak iton hnu, Australia a va kir hnu ah, atu bantuk in “positive” a si e an ti cu si.

Tom Hanks te nupa: Lemcannak lei ah a thiam bak timi Oscar voihnih la Tom Hanks le a nupi Rita Wilson cu Coronavirus nih a tlunh hna caah Australia ram Queensland siizungpi ah an ithlop cuahmah lio a si. Mipi ca zawnruah hmang, thlachiat ruah thiam Tom Hanks timi pi hmanh tutan pulrai nih a tlunh khawh ko cu, zapi zaran cu a kan tlunh khawh ding a fawi tuk tiah New York Times tehna zong nih a kong an ṭial.

Italy ram ah cun Juventus pumpululh chuihthiam Daniele Rugani cu positive a si tiah theih a si. Iran ram ah cun, an Senior Vice-President le an cozah cabinet minister pahnih bakte Covid-19 zawtnak cun an thlop cuahmah hna lio si ve.  Ref: Salai C Alexander

 211 total views,  1 views today

This function has been disabled for Chin 11 News.